Архимандрит Макарий (Веретенников). Примеры икономии в истории Русской Церкви

Первым Митрополитом монгольского периода был святитель Кирилл II (1243–1281). Он управлял Русской Церковью около 40 лет. Такой продолжительный срок первосвятительства имел большое стабилизирующее значение для Церкви в то тяжелое время, когда страна оказалась под иноверным и иноземным игом. Другая особенность его правления — это постоянные путешествия, то есть объезды обширных епархий многострадальной Русской земли.

Большой заслугой митрополита Кирилла является учреждение в 1261 году епархии в центре Золотой Орды, в ее столице — Сарае, при хане Берке (1258–1266). Причин ее учреждения было несколько. Это, очевидно, заслуги и усилия Ростовского епископа Кирилла (1216–1229), о котором упоминается в Житии Петра царевича Ордынского (†1290; пам. 30 июня), а также святого благоверного князя Александра Невского (†1263; пам. 23 нояб.). Учреждение архиерейской кафедры при ханском дворе было вызвано также и другими обстоятельствами. Число русских людей в Золотой Орде все более увеличивалось. Речь шла не только о русских невольниках, духовные нужды которых вряд ли особо волновали завоевателей, но и об участившихся вынужденных посещениях Орды русскими князьями с их приближенными, а также купцами и различными посольствами. Многие из них волей или неволей проводили в Орде долгое время, нуждаясь в церковном окормлении. Наконец, самое главное заключалось в том, что ханская власть придавала особую роль Сарайскому епископу во взаимоотношениях Золотой Орды с Византией. Основанием для такого понимания учреждения служит летописное свидетельство о возвращении Феогноста, епископа Сарайского, в 1279 году “из Грек, послань бо бе Митрополитом к Патриарху и царем Менгутемером к царю гречьскому Палеологу”. Таким образом, и золотоордынские ханы, и русские митрополиты возлагали на Сарайских епископов дипломатические аспекты своих отношений с Константинопольским Патриархом.

Первым иерархом новоучрежденной епархии с 1261 по 1269 год был епископ Митрофан, затем он “пострижеся в схиму”. А с 1269 года управлял епархией епископ Феогност. В августе 1276 года он был в Константинополе и там на Соборе представил некоторые свои недоуменные вопросы для соборного обсуждения и решения. В старой исторической литературе, например, у историка митрополита Московского Макария (Булгакова), есть сообщение, что этот Собор проходил во время Всероссийского Митрополита Максима в 1301 году, но это неверно. Тексты деяний этого Собора изданы в шестом томе “Русской Исторической Библиотеки”¹ и датированы 1276 годом. Большинство вопросов епископа Феогноста вызвано теми новыми для русского духовенства условиями, в которых оно оказалось в иноверной и иноземной Орде. В ответах Собора сквозит полное понимание сложности обстановки, в которой находилась названная епархия.

Приведем некоторые из них.

Вопрос 6: Аще ли приключится святителю служити Литургия, а не будет диакона, а попов будет много, лзе ли ему служити?

Ответ. Аще будет нужа, а не будет диакона, да поет с попы.

Вопрос 7: Аще будут попове мнозе вместе, а не будет диакона посреди их, достоит ли им служити?

Ответ. Достоит; един от них поп ектению молитв, в олтаре стоя, а вон не выходя.

Вопрос 9: Аще приключится человеку в велицей болести, а въсхошет в черньци, а не будет игумена, лзе ли епископу пострищи его?

Ответ. Не токмо епископу, ино и попови и диаконови; аще не будет попа и диакона, а при смерти, да и причетник пострижет.

Последнее процитированное постановление Патриаршего Синода — очень важное решение, свидетельствующее о многом. Русские люди, пребывая годами в тяжелой неволе, сохраняли свою верность вере отцов и в конце своей жизни хотели уйти в иной мире в ангельском чине. Изучая древние cинодики, можно обратить внимание на то, что в записанных родах много монашеских имен. Таким образом, эта благочестивая традиция сохранялась и в последующее время, причем Константинопольский Собор, идя навстречу стремлению благочестивых людей, допустил совершение пострижения принимающих монашество даже причетником. Это правило действовало, очевидно, только в древности и в пределах Сарайской епархии².

Патриарх Иов. Гобелен. 2001.

Ученый канонист В. Н. Бенешевич (1874–1943) издал также интересные соборные материалы, оставшиеся практически неизвестными церковным историкам. При Патриархе Иове (1589–1605; †1606; пам. 19 июня) проходили соборные заседания, посвященные вопросу церковного вина. В то время богослужебное вино привозилось в Москву из западных стран, где произрастал виноград. Но поскольку стали возникать сомнения в чистоте вина (к тому же купцы могли иронизировать по тому поводу, что если их вино не будет привозимо, то не будет совершаться православная Евхаристия), был созван Собор для обсуждения сложившейся ситуации. На нем было принято решения об изготовлении вина в Москве из местного растения, “вишение зовомое”. Чтобы обосновать правомочность такого решения, в документе говорится: “Вся бо возможна суть Богови (см. Мф 19:26) от не сущих в существо привести и от небытия в бытие. Иже бо в Кана Галилейсцем браце повелением Своим Божественным воду в вино преложи (см. Ин 2:1–11), сице и сие может новосоставное вино сие в Божественную и Животочную кровь Свою преложити, яко же хощет: идеже бо Бог действует, ту и естества чин превосходит”. Таким образом, в силу сложившихся обстоятельств Собор Русской Церкви принял решение, допустив применение невиноградного вина.

Оба приведенных примера относятся к разному времени и связаны с разными вопросами, но свидетельствуют о мудрости принимаемых решений.

Ниже приводится текст Соборных постановлений, бывших при первом Всероссийском Патриархе Иове.

О составлении вина служебнаго

Молитвами смиреннаго Иева, Патриарха Московскаго и всея Руссии и всего освященнаго Собора.

Боже Преблагий, Превечный и Присносущьный, Сыне и Слове Собезначалный и Единосущный Отцу и Духови, Премудрости Наставниче, немудрым Наказателю и смыслу Давче. Просвети нашя умы светом Твоего Богоразумия и отверзи нам устне, да возглаголем мало, о немже хощем глаголати. О составлении бо святаго вина надлежит нам желание, егоже предал еси на Тайней вечери святым Своим Учеником и Апостолом, именовав сие самою Своею истинною животочную кровь, от святых ребр Твоих истекшую; юже человеколюбне християньскому роду на спасение и жизнь вечную даровал еси. Но недостижение разума воспящает³ нас, и сего ради не смеем прикоснутися недостижимых, токмо аще не Ты, Господи, наставиши нас на истинну Твою, Ты бо еси свет истинный и просвещаяй всякаго человека, грядущаго в мир. Ведуще милосердие милости Твоея, яко невозможная от человек вся возможна суть от Тебе (см. Лк 18:27), уповахом человеколюбию Ти, яко раби Твои неключими (см. Лк 17:10) и страхом объяти, дерзнухом приникнути в сие, еже исправи, яко премилостив, Своим благоволением и действом Пресвятаго Духа, яко Ты еси Источник и Податель и Начало и Конец всякому благу, Христе Боже наш, и Тебе славу возсылаем со Безначальным Ти Отцем и со Пресвятым и Благим и Животворящим Ти Духом и ныне и присно и во веки веков аминь.

Понеже убо в преименитом и приснославнем царствующем граде Москве и во всех градех и пределех его оскудевшу вину служебному и недоставшу на потребы церковныя, им же Божественная служба Святых Таин во святых Божиих апостольских церквах совершаетца, сицевому же благотребованию освятованному обычай не имать рождатися во вся царьственная области Московьстей, но во языцех не разумеющих и не знающих Бога, в них же страха Божия несть предо очима их (см. Пс 35:2), но вся стропотна и развращена суть, идеже многобожием оболщаеми, работающе бесом, кумиром жертвы приношаху, идолом покланяющеся; и в латынях, иже Божии благодати отступльшим и во многие ереси уклоншимся. И в тех убо странах божественное вино, яже из ягод изгнетаемо, раждается; и всеми многобожными бесовьскими прелестьми и самое то святое вино со инеми смешении недоведомыми смешающе, привождаху и в самый приснославный царьствующий град Москву и оттуду во вся грады обдержимы Московьскаго государьства всея православныя християньския веры Греческаго закону. И велико богатьство себе сим обретающе, и поношающим благочестивую християньскую веру нашу, яко от их стран вино привозимо бывает, им же Божественную службу совершаем. Сами же они о сем возносящеся и высящася, яко святое вино в их странах раждается, и глаголют: аще де от нас не изыдет вино, и ваша де християньская Служба не литургисаема будет. И завистию дияволею научаемо, во многая времена не привождаемо бываше от них.

А в Гречестей земли, во Иеросолиме и во иных странах христьянских греческаго Святаго Закона, идеже безкровная жертва совершается и православнии християне жительствуют, оттуду святое вино в Росийское царство не приходит разстояния ради дальняго и нашествия ради иноплеменных. И сего ради великое имя Божие от неверных поносимо бывает и истинная православная Христова вера попираема и посмехаема, зане таковая богоимянитая великая святыня во странах их раждается и от них происходит во вся страны правоверные, понеже, якоже рекохом, во всем обдержании царьственем Руских предел сицевому раждатися обычай не имать, яко же страна Рос[и]йскаго царства и пределы ея всяких благ преизообилствена, раждаются в ней многия ягодичия сему подобная, тому же единому недостаточна.

Сия же вышереченная неверных и богоненавистных еретик поношение и укоризну слышав, Богом венчанный, Богом почтенный, Богом возлюбленный благочестивый великий государь царь и велий князь Феодор Иванович, всея Русии самодржец, Богом наставляем, з Богом разсудив, подобяся благочестием и ревностию Божественною иже прежде во Православии про[си]­яв­шему равноапостольному благочестивому великому царю Кон­стантину и прочим благочестивым царем и прародителю своему равноапостольному благоверному великому князю Владимиру Киевскому, просветившему святым Крещением Землю Рускую, яко же и они по благочестию побараху и нечестие ис корене исторгоша. Сице богомудрый сей великий государь царь и великий князь Феодор Иванович, всеа Русии самодржец, со многим желанием божественным подщався таковую неверных прелесть до конца искоренити и богохульную их ересь разрушити, и в своем богопорученном ему царствии иереом чисту и непорочну жертву приносити Богови о богодарованных во его царственей державе ражающихся ягодичий, благопотребных к сему божественному делу, безо всякого примесу и скверности поганьския, да не рекут во языцех, где есть Бог их (см. Пс 41:4), и уведят всяко, яко есть един християньский, славен на Небеси и на земли, исполняя везде всяческая, и яко от исполнения его мы вси прияхом и благодать возблагодать, яко Закон Моисеом дан бысть, благодать же и истина Иисус Христом бысть (Ин 1:16–17); Господня бо есть земля, и исполнение ея приемлет (см. Пс 21:1) и сие всеплодие, якоже приял преподобных Авелевы дары и Ноевы жертвы и Авраамово всеплодие и прочих святых Его, благоугодивших в Ветхом Законе и в Новей Благодати.

Се[й] же боголюбивый и благочестивый великий государь царь и великий князь Феодор Иванович, всея Русии самодржец, совещевает совет благ со своею благочестивою и христолюбивою царицею и великою княгинею Ириною, по Бозе рассудив ревнованием божественным, отцу своему богомолцу Святейшему Иеву, Патриарху Московскому и всея Русии, возвещает сие. Слышав же Святеший Иев Патриарх таковый благопросвещенный царев совет, велие благодарение и о сем Богу воздав, вкупе молит и благословляет боголюбиваго царя таковый совет в дело произвести, еже и бысть Божиею бдагодатию. Благочестивый же и великий государь царь и великий князь Феодор Иванович, всея Русии самодержец, прием у Патриарха благословение, повеле великому священному Собору быти. Призывает же и верных боляр своих и велмож и вкупе со отцем своим Святейшим Иевом Патриархом и со всем священным Собороми з боляры, совет сотворив, повеле взыскати во своем царствии, яже от росы небесныя и от влаги земныя всеплодныя леторасли ягодичныя, ражающияся от плода лознаго [и] имеющия внутрь себе происходящее вино, благоугодно суще в таковую Божественную святыню, ей же убо уподоби Себе Господь, глаголя: Аз есмь лоза истинная <…> Всяка убо розга отребляема⁴ и окопобаема много плод приносит (ср. Ин 15:1–2). Сице и Господь, премногаго ради милосердия Своего к роду человечю копием в ребра прободаем, гвоздьми в руце и нозе ископобаем, кровь и воду источи, Юже нам на спасение и жизнь вечную дарова.

И по повелению Богом венчаннаго благочестиваго великаго государя царя и великаго князя Феодора Ивановича, всея Русии самодржца, и его благоверные и христолюбивые царицы и великие княгини Ирины и по совету царьскаго их синклита, смиренный Иев, Божиею милостию Патриарх царствующаго града Москвы и всея Великия Росии, с Преосвященными митрополиты и архиепископы и епископы и со архимариты и игумены и протопопы и со всем освященным Собором, отто всех летораслей изыскавше, обретохом, яже раждается в царствующем граде Москве и во всех пределех его благоподобно сему божественному делу древо, вишение зовомое, от него же повелехом изгнетати вино достоверными мужи богобоязнивыми в домех на то устроенных, идеже повелит царьская держава. И, освятивше молитвою, приносити во святыя Божия церкви, и сим повелехом служити Божественныя службы во святых Божиих церквах Божественнаго Дароприношения, еже архиерейскою и прочих священник молитвою. И призыванием Святаго и Животворящаго Духа, прелагаемо бывает в самую истинную боготворящую кровь Господа Бога и Спаса нашего Иисуса Христа. Вся бо возможна суть Богови (ср. Мф 19:26) — от не сущих в существо привести и от небытия в бытие. Иже бо в Кана Галилейсцем браце повелением Своим Божественным воду в вино преложи (ср. Ин 2:1–11), сице и сие может новосоставное вино сие в Божественную и Животочную кровь Свою преложити, яко же хощет: идеже бо Бог действует, ту и естества чин превосходит.

И по преданию святых Апостол, еже мы в божественных Златоустовых службах преже “Изрядного” возглашения научихомся творити, егда время приспеет благословити иерею Святая, глагололем: Сотвори убо хлеб сей в честное тело Христа Твоего и еже в чаши сей в честную кровь Христа Твоего; и паки глаголет: Преложивый Духом Твоим Святым. Сице убо, яко же выше рекохом, иерейскою молитвою и пришествием Святаго Духа прелагаемо бывает святое вино в самую Кровь Господа нашего Иисуса Христа во усыновление Божие в пришествие Святаго Духа, во оставление грехов и в жизнь вечную и Царствия Небеснаго в наследие: Свое бо Бог Богу, а не чюже, еже Свое во Свое прелагати, и далняя близ суще сотворити, и кроме естества Своего суще в Божественное усвоение Свое преложити. И сие от Своих о Своих приимати о всех и за вся, яко же и прежде рехом Евангельское речение, яко от исполнения Его мы вси прияхом (Ин 1:16); и апостольким учением последующе: никто же бо может основания ино положити паче лежащаго, его же Христос основа Собою на кресте нашего ради спасения (ср. 1 Кор 3:11) Божественною Си Кровью, еже и преже страсти Своея завеща учеником Своим на Тайней вечери, еже во святом Евангелии глаголемое: Приим <…> хлеб и благословив, преломи, даде учеником и рече: Приимите и ядите, се есть Тело Мое. И приим чашу от плода лознаго нальяв, хвалу воздав, даст им, глаголя: Пийте от нея вси, се есть кровь Моя Новаго Завета, яже за вы [и] за многи изливаемая во оставление грехов (Мф 26:26–28). К сим же и апостол Павел глаголет: Аз приях от Господа, иже и предах вам, яко Господь Иисус Христос в нощь, в нюже предан бываше, приим хлеб, благодарив, преломи и рече: Приимете и ядите, се есть Тело Мое, еже за вы ломимое; сие творите в Мое воспоминание. Такоже и чашу по вечери, глаголя: Сия чаша Новый Завет есть в Моей крови, сие творити, елижды аще пиете, в Мое воспоминание: елижды бо аще ясте хлеб сей и чашу сию пиете, смерть Господню возвещаете, дондеже убо приидет (1 Кор 11:23–26).

Тем же и мы Христовым речением, апостольским преданием и святых богоносных Отец Вселенских седми Соборов и поместных, еже во святых правилех изъявленных, повелением последующе, еже из животочных ребр Спасовых истекшей крови и воды во спасительной страсти Его. Подобно сему сие божественное новосоставленное вино, еже из вишней с водою смесивше, иже совершением Святаго Духа бывает, едино еже священно дароприношение приносим Богови во святых Божиих службах безкровную жертву по священному действию священнаго просфиромисания, еже обычай имамы творити, егда копием прободаем святиый Агнец, [тогда] глаголем: Един от воин копием ребра Ему прободе, абие изыде кровь и вода и прочая; дьякон речет: Аминь, подобящеся оному, иже рече: Воистинну Сын бе Божий (ср. Мф 27:54). И се о нем же и Господь рече, яко истинно есть свидетельство его (Ин 5:32). Егда же приемлем в правую руку вино, в левую же воду, тогда глаголем: Соединение Святаго Духа; егда же вливаем вино и воду во святый потир, тогда глаголем, яко трие свидетельствующе, Дух, кровь и вода, яко трие во едино суть (1 Ин 5:7); вливаем же во святый потир вино и воду, исповедаем Божество и человечество обое совершенно воплощьшагося нас ради Сына Божия. И таковое убо великое священное дароприношение Григорий Богослов толкует, глаголя: “Кровь убо и вода изливаема, из ребр Спасовых, ово убо человеко, ово же паче человечя проявляет; тем же и мы, воду и вино смешающе, совершена Бога вкупе совершена человека совершаем таиньство во двоих совершенных естествех и хотениих и действиих”. Тем же хлеб бо и чаша есть вправду истинно по подобию Тайные Вечери воспоминание спасительныя страсти Господа Бога и Спаса нашего Иисуса Христа, за весь мир пострадавшаго, плотию искупльшаго нас от грех, и воскресшему в третий день, и со славою вознесшагося на Небеса со пречистою Своею плотию ко Отцу, идеже бе и первие, и пакы грядущаго со славою судити живым и мертвым и воздати комуждо по делом его, давшему Пречистое Тело Свое и Животворящую боготочную Кровь Свою всем правоверным християном причащатися во оставление грехов и в жизнь вечную, еже приносим святое сие приношение о вселеньском устроении и о благостоянии святых Божих Церквей и о умерении всего мира и многолетнем здравии и спасении государя нашего благовернаго и Христолюбиваго царя и великаго князя Феодора Ивановича, всея Русии самодржца, и о его благоверной и христолюбивой царице и великой княгине Ирине, о их царском чадородии, и о всех болярех и о христолюбивом воинстве, и о всем православном християнстве, о здравии и о спасении и о всех, яже на пользу строимых, и о своих согрешениих и о люцких невежествиих.

Его же Божественнаго Тела вкупе и Крове, еже есть новопосвященное сие вино, с верою причащающеся, мы и вси правовернии людие освящение душам и телом нашим и от недуг здравие приемлем и грехом прощение, Его же ради надеемся и в будущем веце наследовать Небесное Царствие. Яко же бо о Христе Бозе нашем веруем вси, яко есть Бог истинен и свет светоподателен и живот, яко же писано о нем, сице Божественою Его Плотию и Кровию обожаем и обоготворяем, свет убо и жизнь причащающихся убо достолепно с верою обожает и освящает, и грехи попаляет и погубляет, и живот вечный ходатайствует, и царство безконечное дарует по неложному Христови словеси: Ядый Мою плоть и пия Мою кровь имать живот вечный, и Аз воскрешу его в последний день (Ин 6:54); яко же Исаия пророк предвозвещает, еже в видении виде Господа, на престоле высоце и превознесенне седяща, еже есть издалеча проображаше возлежащее Тело и Кровь Господа нашего Иисуса Христа на престоле Божественнем, яже есть во олтари окрест от служащих обстояемо, якоже тогда от серафим, от них же един прият угль горящь клещами, яже в руце его (см. Ис 6:1–6): то бо есть от предстоящих един первый архиерей великий и еже проразумеваемый серафим, по писаниих придержай мысленный угль Христа Самаго Спасителя нашего Тело и Кровь, яко же клещами, рукама своима во святем олтари возлежаща на Божии трапезе. Сын Его Божий яко человек, нашего ради спасения воплотися, яко телец пожреся, и яко лев возлег и поспа. Се же, [еже] есть на трапезе Пречистое Тело и Кровь Господня, освящает душа наша, и от грех очищает, иже с верою причащающи[х]ся Ему, и спасение и жизнь вечную дарует и бесконечное Царствие. Его же Божественнаго Тела и Крови преже архиерей великий причащается, потом же и прочих причащает Тела и Крови Господня: се бо образует, яко в день великий Богоявления втораго пришествия первее причастник будет свету великому и рече: Се аз и дети мои, яже ми еси дал, Господи (Евр 2:13); к нему же Господь речет: Благий рабе верный <…> вниди в радость Господа своего (Мф 25:21). Се бо есть сила Тела и Крови Господня, яко с верою причащающихся Ему приобщникы творит Христовым страстем и вознесшемуся Телу Его и одесную Отца на престоле седящему, и братию нас Христу сочетав и Богу Отцу в Сына нас земных устроив, к Нему же и возлетети нам в Горний Иерусалим крыле дарует, с Ним же и царьствова[ти] во веки ходатайствует.

Прочее же сего [o] Божественем Теле и Крови Христове не мощно есть глаголати: паче словеси бо и помышления. Се убо по мере дара Христова, елико обретохом от Божественных Писаниих, се и написахом на уведение благоразумия нашего⁵.