Успение Пресвятыя Славныя Владычицы нашея Богородицы, и Приснодевы Марии
На Велицей вечерни,
поем, Блажен муж, 1-й антифон.
На Господи воззвах, ставим стихов 8, и поем стихиры, глас 1:
О дивное чудо! Источник Жизни во гробе полагается, и лествица к небеси гроб бывает: веселися Гефсимание, Богородичен святый доме. Возопием вернии, Гавриила имуще чиноначальника: Благодатная радуйся, с Тобою Господь, подаяй мирови Тобою велию милость. [Трижды.]
Дивны Твоя тайны, Богородице, Вышняго престол явилася eси, Владычице, и от земли к небеси преставилася eси днесь. Слава Твоя боголепная, богоподобными сияющи чудесы. Девы с Материю Царевою на высоту вознеситеся. Благодатная, радуйся, с Тобою Господь, подаяй мирови Тобою велию милость. [Трижды.]
Твое славят успение, власти и престоли, начала и господьства, силы и херувими, и страшнии серафими: радуются земнороднии, о божественней Твоей славе красящеся. Припадают царие со архангелы и ангелы, и воспевают: Благодатная, радуйся, с Тобою Господь, подаяй мирови Тобою велию милость. [Дважды.]
Слава, и ныне, глас тойже:
Богоначальным мановением, отвсюду богоноснии апостоли облаки высоце взимаеми, дошедше пречистаго и живоначальнаго Твоего тела, любезно лобызаху. Превышния же небесныя силы, с своим Владыкою пришедше, богоприятное и пречистое тело предсылающе ужасом одержими: прекрасно же предыдяху, и невидимо вопияху превышним чиноначалиeм: се Всецарица Богоотроковица прииде. Возмите врата и Сию премирно подымите, Присносущаго Матерь Света. Тоя бо ради всеродное человеком спасение бысть: на Ню же взирати не можем: и Той достойную честь воздати немощно: Тоя бо преизящное преходит всякий ум. Темже, Пречистая Богородице, присно с Живоносным Царем, и Рождеством живущи, молися выну сохранити и спасти, от всякаго прилога противнаго, новыя люди Твоя: Твое бо предстательство стяжахом, во веки светоявленно блажаще.
Вход. Прокимен дне.
Бытия чтение. [Глава 28.]
Изыде Иаков от студенца клятвеннаго, и иде в Харрань. И обрете место, и спа тамо. Зайде бо солнце: и взят от камения места того, и положи возглавие себе, и спа на месте оном, и сон виде: И се лествица утверждена на земли, eяже глава досязаше до небес, и ангели Божии восхождаху и низхождаху по ней. Господь же утверждашеся на ней, и рече: Аз Бог Авраамов отца твоего, и Бог Исааков, не бойся: земля, идеже ты спиши на ней, тебе дам ю и семени твоему. И будет семя твое яко песок земный, и распространится на море, и Ливу, и север, и на востоки: и возблагословятся о тебе вся колена земная, и о семени твоем. И се Аз с тобою сохраняяй тя на всяком пути, аможе аще пойдеши: и возвращу тя в землю сию, яко не имам тебе оставити, дондеже сотворити Ми вся, елика глаголах тебе. И воста Иаков от сна своего, и рече: яко eсть Господь на месте сем, аз же не ведех. И убояся, и рече: яко страшно место сие, несть сие, но дом Божий и сия врата небесная.
Прoрочества Иезекиилева чтение. [Главы 43 и 44.]
Тако глаголет Господь: будет от дне осмаго и прочее, сотворят иереи на олтари всесожжения вашего, и прииму вы, глаголет Адонаи Господь. И обрати мя на путь врат святых внешних, зрящих на востоки, и сия бяху затворена. И рече Господь ко мне: врата сия затворена будут, и не отверзутся, и никтоже пройдет сквозе их, яко Господь Бог Израилев пройдет ими, и будут затворена. Яко Игумен сядет в них снести хлеб, по пути Еламских врат внидет, и по пути его изыдет. И введе мя по пути врат святых сущих к северу, прямо храму: и видех, и се исполнь славы храм Господень.
Притчей чтение. [Глава 9.]
Премудрость созда себе дом, и утверди столпов седмь. Закла своя жертвенная, и раствори в чаши своей вино, и уготова свою трапезу. Посла своя рабы, созывающи с высоким проповеданием на чашу глаголющи: Иже есть безумен, да уклонится ко мне. И требующим ума рече: Приидите, ядите мой хлеб, и пийте вино, еже растворих вам. Оставите безумие, и живи будите, и взыщите разума, да поживете, и исправите разум в ведении. Наказуяй злыя, приимет себе безчестие: обличаяй же нечестиваго, опорочит себе, обличения бо нечестивому раны ему. Не обличай злых, да не возненавидят тебе: обличай премудра, и возлюбит тя. Даждь премудрому вину, и премудрший будет: сказуй праведному, и приложит приимати. Начало премудрости, страх Господень, и совет святых, разум. Разумети бо закон, помысла есть благаго: сим бо образом многое поживеши время, и приложатся тебе лета живота.
На литии стихиры, самогласны, глас 1.
Подобаше самовидцам Слова и слугам, и еже по плоти Матере Его успение видети, конечное елико на Ней таинство: яко да не токмо еже от земли Спасово восхождение узрят, но и Рождшия Его преставлению свидетельствуют. Темже отвсюду Божественною силою собравшеся, Сиона достигоша, и на небо идущую предсылаху вышшую херувим: Ейже и мы с ними покланяемся, яко молящейся о душах наших.
Глас 2:
[Анатолиево:] Яже небес вышшая сущи, и херувим славнейшая, и всея твари честнейшая, яже премногия ради чистоты, присносущнаго существа приятелище бывши, в Сыновне руце днесь всесвятую предает душу, и с Нею исполняются всяческая радости, и нам дарует велию милость.
[Иоанново:] Всенепорочная Невеста, и Мати благоволения Отча, Яже Богу пронареченная во Свое Ему жилище неслитнаго соединения, днесь пречистую душу Творцу и Богу предает: юже безплотных силы боголепно подъемлют, и к животу преставляется сущая Мати Живота, свеща неприступнаго света, спасение верных, и упование душ наших.
Глас 3:
[Германово:] Приидите вси концы земнии честное преставление Богоматере восхвалим, в руце бо Сына душу непорочную положи. Темже святым успением Ея оживотворися! Во псалмех и пениих и песнех духовных, со безплотными а апостолы празднует светло.
Слава, глас 5:
[Феофаново:] Приидите, празднолюбных собор, приидите и лик составим, приидите, венчаим песньми Церковь, упокоением Ковчега Божия: днесь бо небо простирает недра, приемля Рождшую всеми Невместимаго: и земля источник жизни, отдающзи благословение, украшается благолепием. Ангели лик составляют со апостолы, ужасно взирающе, от живота в живот преставляему, Рождшую Начальника жизни. Вси поклонимся Ей молящеся: сродна присвоения не забуди Владычице, верно празднующих всесвятое Твое успение.
И ныне, глас тойже:
Воспойте, людие, Матери Бога нашего, воспойте: днесь бо всесветлую душу Свою в пречистыя длани, Иже из Нея воплощшагося без семене предает: Егоже и молит непрестанно, даровати вселенней мир, и велию милость.
На стиховне стихиры самогласны, глас 4:
Приидите воспоем людие, Пресвятую Деву Чистую, из Неяже неизреченно пройде, воплощься Слово Отчее, зовуще и глаголюще: благословенна Ты в женах, блаженное чрево вместившее Христа. Того святым рукам душу предавши, молися, Пречистая, спастися душам нашим.
Стих: Воскресни Господи в покой Твой, Ты, и Кивот святыни Твоея.
Давидскую песнь днесь людие, воспоем Христу Богу: приведутся, рече, Царю девы в след Ея, и искренняя Ея приведутся в веселии и радовании. Ибо от семене Давидова, Еяже ради мы обожихомся, в руце Своего Сына и Владыки, славно и паче слова прелагается, Юже яко Матерь Божию воспевающе, вопием и глаголем: спаси нас исповедающих Тя, Богородицу, от всякаго обстояния, и избави от бед души наша.
Стих: Клятся Господь Давиду истиною, и не отвержется eя.
Всечестное Твое успение, Пресвятая Дева Чистая, ангел множества на небеси, и человеческий род на земли ублажаем, яко Мати была еси Творца всех, Христа Бога. Того молящи не престай о нас, молимся, иже на Тя с Богом упование положших, Богородице всепетая, и неискусобрачная.
Слава, и ныне, глас тойже:
Егда изшла еси, Богородице Дево, ко из Тебе Рождшемуся неизреченно, бяше Иаков брат Божий, и первый священноначальник, Петр же честнейший верховник, богословов начальник: и весь божественный апостольский лик, явленным богословием песнословяще, божественное и страшное Христа Бога смотрения таинство, и живоначальное и богоприятное Твое тело погребше, радовахуся Всепетая. Превыше же пресвятыя и старейшия ангельския силы, чудеси дивящеся, приникше друг ко другу глаголаху: возмите ваша врата, и восприимите Рождшую небесе и земли Творца. Славословленьми же воспоем, честное и святое тело, вместившее нами Невидимаго и Господа. Темже и мы память Твою празднующе, вопием Ти Препетая: христианский рог вознеси, и спаси души наша.
На благословении хлебов тропарь, глас 1: В рождестве девство сохранила еси: трижды [писан на малей вечерни.] И чтение.
На Утрени,
на Бог Господь, тропарь праздника, трижды.
По 1-й стихологии седален, глас 1:
Подобен: Гроб Твой Спасе:
Всечестный лик премудрых апостол собрася чудно, погребсти славно тело Твое пречистое, Богородице всепетая: с нимиже воспеша и ангел множество, преставление Твое честно хваляще, еже верою празднуем.
Слава, и ныне, тойже. И чтение.
По 2-й стихологии седален, глас 3:
Подобен: Красоте девства:
В рождестве Твоем зачатие безсеменное, во успении Твоем мертвость нетленная, чудо в чудеси сугубо стечеся Богородице: како бо неискусомужная, младопитательница чиста сущи? Како же Мати Богу мертвоносна мироухающи? Темже со ангелом вопием Ти: радуйся, Благодатная.
Слава, и ныне, тойже.
По полиелеи седален, глас 4:
Подобен: Удивися Иосиф:
Возопий Давиде, что сей праздник, егоже воспел еси древле в книзе псаломстей? Яко Дщерь Богоотроковицу и Деву, преложи Ю на оны обители Христос, Иже из Нея без семене рождься. И сего ради радуются матери и дщери, и невесты Христовы, вопиюще: радуйся Преставившаяся к Вышнему Царствию.
Слава, и ныне, тойже.
Степенна, 1-й антифон 4-го гласа.
Прокимен, глас 4: Помяну имя Твое во всяком роде и роде. Стих: Слыши Дщи и виждь, и приклони ухо Твое.
Всякое дыхание да хвалит Господа.
Евангелие Луки, зачало 4 [Лк. 1, 39 – 49, 56.]
| Воставши же Мариамь во дни тыя, иде в горняя со тщанием, во град Иудов: | Вставши же Мария во дни сии, с поспешностью пошла в нагорную страну, в город Иудин, |
| И вниде в дом Захариин и целова Елисаветь. | И вошла в дом Захарии, и приветствовала Елисавету. |
| И бысть яко услыша Елисаветь целование Мариино, взыграся младенец во чреве ея: и исполнися Духа Свята Елисаветь, | Когда Елисавета услышала приветствие Марии, взыграл младенец во чреве ее; и Елисавета исполнилась Святого Духа, |
| И возопи гласом велиим, и рече: благословена Ты в женах, и благословен плод чрева Твоего: | И воскликнула громким голосом, и сказала: благословена Ты между женами, и благословен плод чрева Твоего! |
| И откуду мне сие, да приидет Мати Господа моего ко мне? | И откуда это мне, что пришла Матерь Господа моего ко мне? |
| Се бо, яко бысть глас целования Твоего во ушию моею, взыграся младенец радощами во чреве моем: | Ибо, когда голос приветствия Твоего дошел до слуха моего, взыграл младенец радостно во чреве моем; |
| И блаженна Веровавшая, яко будет совершение глаголанным Ей от Господа. | И блаженна Уверовавшая, потому что совершится сказанное Ей от Господа. |
| И рече Мариамь: величит душа Моя Господа, | И сказала Мария: величит душа Моя Господа, |
| И возрадовася дух Мой о Бозе Спасе Моем: | И возрадовался дух Мой о Боге, Спасителе Моем, |
| Яко призре на смирение рабы Своея: се бо, отныне ублажат Мя вси роди: | Что призрел Он на смирение рабы Своей; ибо отныне будут ублажать Меня все роды; |
| Яко сотвори Мне величие Сильный, и свято имя Его. | Что сотворил Мне величие Сильный, и свято имя Его. |
| Пребысть же Мариамь с нею яко три месяцы и возвратися в дом свой. | Пребыла же Мария с нею около трех месяцев и возвратилась в дом свой. |
По 50-м псалме стихира, глас 6, самогласна.
[Византиево:] Егда преставление пречистаго Твоего тела готовляшеся, тогда апостоли обстояще одр, с трепетом зряху Тя. И ови убо взирающе на тело, ужасом одержими бяху, Петр же со слезами вопияше Ти: о Дево, вижду Тя ясно простерту просту, Живота всех, и удивляюся: в Нейже вселися будущия жизни наслаждение! Но о Пречистая, молися прилежно Сыну и Богу Твоему, спастися стаду Твоему невредиму.
Канона два, кир Космы, и кир Иоанна. Ирмосы обоих канонов по дважды, тропари же на 12. Катавасиа, кийждо лик свой ирмос.
Канон первый, егоже краестрочие: Да торжествуют богомудрии. Глас 1.
Песнь 1.
Ирмос: Преукрашенная Божественною славою, священная и славная, Дево, память Твоя, вся собра к веселию верныя, начинающей Мариаме с лики и тимпаны, Твоему поюще Единородному: славно яко прославися.
Да провождают невещественнии чинове, небошественное в Сион Божественное тело Твое: внезапу же стекшеся апостол множество от конец, Богородице, Тебе предсташа абие, с нимиже Чистая, Твою честную Дево память славим.
Победныя почести взяла еси на естество Чистая, Бога рождши: обаче же подобящися Творцу Твоему и Сыну, паче естества повинуешися естественным законом. Темже умерши, с Сыном востаеши вечнующи.
Другий канон, Иоанна Дамаскина, глас 4.
Песнь 1.
Ирмос: Отверзу уста моя, и наполнятся Духа, и слово отрыгну Царице Матери, и явлюся светло торжествуя, и воспою радуяся Тоя успение.
Девы отроковицы, с Мариамиею пророчицею, песнь исходную ныне воскликните: Дева бо и Едина Богомати, ко приятию небесному преставляется.
Достойно яко одушевленное Тя небо, прияша небесная Пречистая, Божественная селения: и предста светло украшена, яко Невеста Всенепорочная, Царю и Богу.
Песнь 3.
Ирмос: Содетельная и содержательная всех, Божия мудросте и сило, непреклонну, недвижиму Церковь утверди Христе: Един бо еси свят, во святых почиваяй.
Жену Тя мертвенну, но паче естества и Матерь Божию, видевше Всенепорочная славнии апостоли, ужасно прикасахуся руками славою облистающей, яко богоприятное селение видяще.
Постиже руце досадительныя дерзаго, усечением суд нанес, Богу сохраншу честь одушевленному Кивоту, славою Божества, в Немже Слово плоть бысть.
Ин.
Ирмос: Твоя песнословцы Богородице, живый и независтный источниче, лик себе совокупльшия духовно утверди, в Божественней памяти Твоей, венцев славы сподоби.
От мертвых чресл произведшися естеством подобна Чистая, исхождение разреши: рождши же сущую Жизнь, к жизни преставися Божественней, и ипостасней.
Лик богословов от конец, свыше же ангел множества к Сиону идяху, всесильным мановением достодолжно Владычице, Твоему погребению служаще.
Ипакои, глас 8:
Блажим Тя вси роди, Богородице Дево: в Тя бо невместимый Христос Бог наш, вместитися благоволи. Блажени есмы и мы, предстательство Тя имуще: день бо и нощь молишися о нас, и скипетры царствия Твоими молитвами утверждаются. Тем воспевающе вопием Ти: радуйся, Благодатная, Господь с Тобою.
Песнь 4.
Ирмос: Речи пророков и гадания, воплощение проявиша от Девы, Твое Христе: сияние блистания Твоего, во свет языков изыдет, и возгласит Тебе бездна с веселием: силе Твоей слава Человеколюбче.
Видите людие и чудитеся: гора бо святая, и явственная Богу в небесныя обители превышше вземлется, небо земное в небесное и нетленное селение вселяемо.
Жизни присносущныя и лучшия, смерть Твоя бысть прехождение Чистая, от привременныя к Божественней воистинну и непреходимей, преставляя Тя, Чистая, в веселии Сына зрети Твоего, и Господа.
Взяшася двери небесныя, и ангели воспеша: и прият Христос девства Своея Матере сосуд: херувими подъяша Тя с веселием, серафими же славят радующеся.
Ин.
Ирмос: Неизследный Божий совет, еже от Девы воплощения, Тебе Вышняго, пророк Аввакум усмотряя зовяше: слава силе Твоей, Господи.
Чудо бяше зрети, Небо всех Царя одушевленное, испражнения преходящее земная, яко чудна дела Твоя: слава силе Твоей, Господи.
Аще и непостижный Сея Плод, Имже небеса быша, погребение прият волею яко мертв: како погребения отвержется, неискусобрачно Рождшая?
В преставлении Твоем Мати Божия, пространнейшее тело Твое и богоприятное, ангельская воинства, священными крилы трепетом и радостию покрываху.
Песнь 5.
Ирмос: Божию и неизреченную доброту, добродетелей Твоих, Христе исповем: от присносущныя бо славы, соприсносущное и ипостасное возсиявый сияние, из девственныя утробы, сущим во тьме и сени, воплощься, возсиял еси Солнце.
Яко на облаце Дево, апостольский лик носимь, к Сиону от конец, служити Тебе, облаку легкому, собирашеся: от Неяже Вышний Бог, сущим во тьме и сени, праведное возсия Солнце.
Труб, богоприятнии языцы богословных мужей благогласнейше Богородице вопияху, исходную возглашающе песнь Духом: радуйся нетленный источниче, Божия живоначальнаго и спасительнаго всем воплощения.
Ин.
Ирмос: Ужасошася всяческая о честнем успении Твоем: Ты бо Неискусобрачная Дево, от земли преставилася еси к вечным обителем, и к безконечней жизни, всем воспевающим Тя, спасение подавающая.
Да возгласят трубы богословов днесь: язык же многовещанный человеческий, ныне да восхвалит: да огласит же воздух, безмерным сияя светом: ангели да поют Пречистыя Девы успение.
Сосуд подобаше избранный, пением Ти весь удивляемь, Девице, исходен, весь освящен Богови, всем богоприятен, и сей истинно являемый Богородице всепетая.
Песнь 6.
Ирмос: Морский пучинородный китов внутренний огнь, тридневнаго Твоего погребения проображение, егоже Иона пророк показася, спасен бо яко и предпослася, неврежден вопияше: пожру Ти со гласом хваления Господи.
Дает Тебе яже превыше естества, Царь всех Бог: в рождестве бо Деву якоже сохрани, тако во гробе тело соблюде нетленно: и спрослави Божественным преставлением честь Тебе яко Сын Матери даруя.
Воистинну Тя, яко светел свещник, невещественнаго света кадильницу златую, Божественнаго угля, во святая святых всели, ручку и жезл, скрижаль богописанную, ковчег святый, трапезу Слова жизни, Дево Рождество Твое.
Ин.
Ирмос: Божественное сие и всечестное, совершающе празднество богомудрии, Богоматере, приидите руками восплещим, от Нея рождшагося Бога славим.
Из Тебе Жизнь возсия, ключи девства не рушивши: како убо пречистое и живоначальное Твое тело, искушения смерти бысть причастно?
Жизни бывши храм, жизнь присносущную улучила еси: смертию бо к животу преминула еси, яже Жизнь рождши воипостасную.
Кондак, глас 2:
В молитвах неусыпающую Богородицу, и в предстательствах непреложное упование, гроб и умерщвление не удержаста: якоже бо Живота Матерь, к животу престави, во утробу Вселивыйся приснодевственную.
Икос: Огради моя помышления, Христе мой, ибо стену мира воспети дерзаю, Чистую Матерь Твою, на столпе глагол укрепи мя, и в тяжких мыслех заступи мя: ты бо взывающим, и просящим верою, моления исполняеши. Ты мне убо даруй язык приносен, и помысл непостыден: всякое бо даяние сияния от Тебе низпосылается Светоподателю, во утробу Вселивыйся приснодевственную.
Песнь 7.
Ирмос: Безстудней ярости же и огню Божественное желание сопротивляяся, огнь убо орошаше, ярости же смеяшеся, Богодохновенною словесною преподобных тривещанною цевницею, противовещая мусикийским органом посреди пламене: препрославленный отцев и наш Боже благословен еси.
Богоделанныя скрижали Моисей, писанныя Божественным Духом, яростию сокруш, но сего Владыка, Рождшую неврежденну в небесныя сохрань домы, ныне внутрь всели. С Нею играюще вопием Христу: препрославленный отцев и наш Боже благословен еси.
В кимвалех усты чистыми, мусикийски же сердцем светлым, доброгласною трубою, высокою мыслию, Девы и Чистыя в нарочитый избранный день преставления, детельными плещуще руками, вопием: препрославленный отцев и наш Боже благословен еси.
Богомудрии соберитеся людие: Божия бо славы селение, от Сиона преставляется к небесному жилищу, идеже глас чист празднующих, глас несказаннаго радования, и в веселии вопиющих Христу: препрославленный отцев и наш Боже благословен еси.
Ин.
Ирмос: Не послужиша твари богомудрии паче Создавшаго, но огненное прещение мужески поправше, радовахуся поюще: препетый отцев Господь и Бог благословен еси.
Юноши и девы, Девыя же и Богоматере память чтуще, старцы и князи, царие и судии пойте: отец наших Господи и Боже благословен еси.
Да вострубят трубою духовною горы небесныя, да радуются холми, и да играют божественнии апостоли: Царица к Сыну преставляется, с Ним царствующи.
Всесвященное преставление Божественныя Твоея и нетленныя Матере, премирныя вышних сил совокупи чины, веселитися с сущими на земли Тебе поющими: Боже благословен еси.
Песнь 8.
Ирмос: Пламень орошающ преподобныя, злочестивыя же попаляющ, ангел Божий всемощный, показа отроком, живоначальный же источник содела Богородицу, тлю смерти, и живот точащу поющим: Содетеля Единаго поим избавленнии и превозносим во вся веки.
Глаголы последоваху Божественному Ковчегу священному, все множество богословов в Сионе: камо идеши ныне Скиние, зовуще, Бога Живаго? Не престай призирающи верою поющия: Содетеля Единаго поем избавленнии и превозносим во вся веки.
Якоже воздевши руце, исходиши Всенепорочная, руце, имиже Бога носила еси плотию, со дерзновением яко Мати рекла еси к Рожденному: яже Ми дал еси во веки сохрани, вопиющия Тебе: Содетеля Единаго поем избавленнии и превозносим во вся веки.
Ин.
Ирмос: Отроки благочестивыя в пещи, Рождество Богородично спасло есть, тогда убо образуемое, ныне же действуемое, вселенную всю воздвизает пети Тебе: Господа пойте дела и превозносите Его во вся веки.
Память Твою Чистая Дево, начала же и власти и силы, ангели, архангели, престоли, господьства, херувими славят, и страшнии серафими: человеческий же род поем, и превозносим во вся веки.
Иже странно вселивыйся, Богородице, в чистое чрево Твое воплощаемь, Сей всесвященный дух Твой приемь, у Себе упокои, яко должник Сын: темже Тя поем Дево, и превозносим во вся веки.
О выше ума чудес Приснодевы же и Богоматере! Во гроб бо всельшися, показа рай. Емуже предстояще днесь, радующеся зовем: Господа пойте дела, и превозносите Его во вся веки.
На 9-й песни, Честнейшую не поем, но поем припевы праздника: Роди вси блажим Тя Едину Богородицу. Или: Ангели успение Пречистыя видевше удивишася, како Дева восходит от земли на небо.
Таже ирмос: Побеждаются естества:
И вторый лик поет тойже припев и ирмос.
И на кийждо тропарь поют тойже припев по единожды.
Песнь 9.
Ирмос: Побеждаются естества уставы в Тебе, Дево Чистая: девствует бо рождество, и живот предобручает смерть. По рождестве Дева, и по смерти жива, спасаеши присно, Богородице, наследие Твое.
Дивляхуся ангельския силы, в Сионе смотряюще своего Владыку, Женскую душу руками носящаго: пречисто бо Рождшей, Сынолепно провозглашаше: гряди, Чистая, с Сыном и Богом прославленна буди.
Опрята лик апостольский Богоприятное тело Твое, со страхом зряще, и гласом велиим вещающе: в небесныя домы к Сыну восходящи, спасаеши присно, Богородице, наследие Твое.
Посем первый лик поет втораго канона припев:
Величай, душе моя, от земли на небо честное преставление Божия Матере.
И ирмос: Всяк земнородный:
И вторый лик поет тойже припев и ирмос.
И на кийждо тропарь поют тойже припев по единожды.
Ин.
Ирмос: Всяк земнородный да взыграется Духом просвещаемь, да торжествует же безплотных умов естество, почитающее священное преставление Богоматере, и да вопиет: радуйся, всеблаженная Богородице, Чистая Приснодево.
Приидите в Сион, на божественную и тучную гору Живаго Бога, возрадуемся Богородицу зряще: к зело бо лучшей, и Божественней сени, яко Матерь Сию во святая святых Христос престави.
Приидите, вернии, ко гробу приступим Божия Матере, и обымем сердцы и устнами, очесы и лицем чисто прикасающеся, и почерпающе исцелений независтныя дары от источника приснотекущаго.
Приими от нас песнь исходную, Мати Живаго Бога, и светоносною Твоею и Божественною осени благодатию, верным победительная, христолюбным людем мир, оставление поющим, и душам спасение подающи.
Таже, оба лика, сшедшеся вкупе, поют перваго канона припев, и ирмос: Побеждаются естества:
И втораго канона припев и ирмос:
Всяк земнородный: И поклон.
Светилен:
Подобен: Небо звездами:
Апостоли от конец совокупльшеся зде, в Гефсиманийстей веси погребите тело Мое: и Ты, Сыне и Боже Мой, приими дух Мой. [Трижды.]
На хвалитех стихиры на 4, глас 4:
Подобен: Яко добля:
В славном успении Твоем небеса радуются, и ангельская возрадовашася воинства: вся же земля веселится, песнь Тебе исходную провозглашающи, Матери всеми Владычествующаго, неискусобрачная Пресвятая Дево, яже род человеческий избавльшая прародительнаго осуждения. [Дважды.]
От конец стекошася апостолов лучшии, богоначальным мановением погребсти Тя: и от земли вземлему Тя к высоте зряще, глас Гавриилов радостию вопияху Тебе: радуйся, Носило Божества всего. Радуйся, Едина, земная с вышними, Рождеством Твоим совокупльшая.
Яже Живот рождшая, к жизни преминула еси, честным успением Твоим безсмертней, дориносящим Тя ангелом, началом и силам, апостолом и пророком, и всей твари: приемшу же нетленными дланьми Сыну Твоему, непорочную душу Твою, Дево Мати Богоневесто.
Слава, и ныне, глас 6.
На безсмертное Твое успение, Богородице Мати Живота, облацы апостолы по воздуху восхищаху, и по миру разсеянныя во едином лице предсташа пресвятому Твоему телу, еже и погребше честно, глас Тебе Гавриилов поюще, вопияху: радуйся, Благодатная Дево, Мати Безневестная, Господь с Тобою. С нимиже, яко Сына Твоего и Бога нашего, моли спастися душам нашим.
Славословие великое, и отпуст. И дается елей от кандила Пресвятыя Богородицы: и час 1, и конечный отпуст.
На Литургии:
Блаженна, 1-го канона, песнь 3-я, на 4: и 2-го канона, песнь 6-я, на 4. По входе тропарь праздника. Слава, и ныне, кондак. Прокимен, песнь Богородицы, глас 3: Величит душа Моя Господа, и возрадовася дух Мой о Бозе Спасе Моем. Стих: Яко призре на смирение рабы Своея, се бо от ныне ублажат Мя вси роди.
Апостол к Филипписиом, зачало 340. [Филипп. 2, 5 – 11.]
| Братие, сие бо да мудрствуется в вас, еже и во Христе Иисусе: | Братья, в вас должны быть те же чувствования, какие и во Христе Иисусе: |
| Иже, во образе Божии сый, не восхищением непщева быти равен Богу: | Он, будучи образом Божиим, не почитал хищением быть равным Богу; |
| Но Себе умалил, зрак раба приим, в подобии человечестем быв, и образом обретеся якоже человек: | Но уничижил Себя Самого, приняв образ раба, сделавшись подобным человекам и по виду став как человек; |
| Смирил Себе, послушлив быв даже до смерти, смерти же крестныя. | Смирил Себя, быв послушным даже до смерти, и смерти крестной. |
| Темже и Бог Его превознесе и дарова Ему имя, еже паче всякаго имене, | Посему и Бог превознес Его и дал Ему имя выше всякого имени, |
| Да о имени Иисусове всяко колено поклонится небесных и земных и преисподних, | Дабы пред именем Иисуса преклонилось всякое колено небесных, земных и преисподних, |
| И всяк язык исповесть, яко Господь Иисус Христос в славу Бога Отца. | И всякий язык исповедал, что Господь Иисус Христос в славу Бога Отца. |
Аллилуиа, глас 2: Воскресни, Господи, в покой Твой, Ты, и Кивот святыни Твоея. Стих: Клятся Господь Давиду истиною, и не отвержется ея.
Евангелие Луки, зачало 54. [Лк. 10, 38 – 42; 11, 27 – 28.]
| Бысть же ходящим им, и Сам вниде в весь некую: жена же некая именем Марфа прият Его в дом свой: | В продолжение пути их, пришел Он в одно селение; здесь женщина, именем Марфа, приняла Его в дом свой; |
| И сестра ей бе нарицаемая Мариа, яже и седши при ногу Иисусову, слышаше слово Его. | У ней была сестра, именем Мария, которая села у ног Иисуса и слушала слово Его. |
| Марфа же молвяше о мнозе службе, ставши же рече: Господи, не брежеши ли, яко сестра моя едину мя остави служити? рцы убо ей, да ми поможет. | Марфа же заботилась о большом угощении, и подошедши сказала: Господи! или Тебе нужды нет, что сестра моя одну меня оставила служить? скажи ей, чтобы помогла мне. |
| Отвещав же Иисус рече ей: Марфо, Марфо, печешися и молвиши о мнозе, | Иисус же сказал ей в ответ: Марфа! Марфа! ты заботишься и суетишься о многом, |
| Едино же есть на потребу. Мариа же благую часть избра, яже не отымется от нея. | А одно только нужно. Мария же избрала благую часть, которая не отнимется у нее. |
| Бысть же егда глаголаше сия, воздвигши некая жена глас от народа, рече ему: блажено чрево носившее Тя, и сосца, яже еси ссал. | Когда же Он говорил это, одна женщина, возвысивши голос из народа, сказала Ему: блаженно чрево, носившее Тебя, и сосцы, Тебя питавшие! |
| Он же рече: темже убо блажени слышащие слово Божие и хранящии е. | А Он сказал: блаженны слышащие слово Божие и соблюдающие его. |
Вместо Достойно, поем ирмос: Побеждаются естества уставы: И до отдания.
Причастен: Чашу спасения прииму, и имя Господне призову.
На трапезе утешение братии. Аще ли будет праздник сей в среду или в пяток: разрешаем точию на рыбу и вино. Аще ли в понедельник: миряне разрешают на мясо, и сыры и яица: Монаси же точию на рыбу и вино.
Празднуется убо сей праздник девять дней.
Толкование Паримий
Книга Бытия (XXVIII, 10 – 17)
Иаков же вышел из Вирсавии и пошел в Харран, и пришел на одно место, и остался там ночевать, потому что зашло солнце. И взял один из камней того места, и положил себе изголовьем, и лег на том месте. И увидел во сне: вот, лестница стоит на земле, а верх ее касается неба; и вот, ангелы Божии восходят и нисходят по ней. И вот, Господь стоит на ней и говорит: Я Господь, Бог Авраама, отца твоего, и Бог Исаака; не бойся. Землю, на которой ты лежишь, Я дам тебе и потомству твоему; и будет потомство твое, как песок земной; и распространишься к морю и к востоку, и к северу и к полудню; и благословятся в тебе и в семени твоем все племена земные; и вот Я с тобою, и сохраню тебя везде, куда ты ни пойдешь; и возвращу тебя в сию землю, ибо Я не оставлю тебя, доколе не исполню того, что Я сказал тебе. Иаков пробудился от сна своего и сказал: истинно Господь присутствует на месте сем; а я не знал! И убоялся и сказал: как страшно сие место! это не иное что, как дом Божий, это врата небесные.
Из книги Бытия в первой паремии мы слышим знакомые слова о сне Иакова и видении им лестницы. Что надо знать, чтобы представить себе обстановку этого видения и потом глубоко вникнуть в смысл этого прообраза Богоматери?
Иаков, боясь мести брата, очень рано встал, почти ночью. Тихо вышел из дома, чтобы никто его не заметил. Место, где он ночевал, было в 15 верстах от Иерусалима, к северу. Быть ночью среди поля опасно (могли напасть разбойники), но Иаков предпочел опасность, не доверяя хананеям. Упоминаемый «студенец клятвенный» находился на юге Филистимской земли. Там еще при Аврааме был заключен союз (то есть поклялись в верности договору) с филистимским царем Авимелехом о ненападении подданных Авимелеха на Авраама и всех его близких.
Харран – месопотамский город, куда родители Иакова советовали ему отправиться для выбора себе жены из родственного племени.
Почему же сон Иакова, который он принял за Божественное откровение, стал символом или прообразом Богоматери?
1. «Лествица Иакова» как образ восхождения напоминает нам о духовном законе жизни, который заключен в возможности богообщения. Пример Богоматери говорит нам, что Она этот закон исполнила более других.
2. «Лествица Иакова» как путь к Богу указывает на то, что путь этот уже указан (через исполнение заповедей Божиих), уже определен, уже дан, и искать каждому поодиночке нет необходимости. Тем более нет нужды строить Вавилонскую башню, чтобы самим, без Бога, подняться «выше звезд небесных». Это путь смирения, и как образец высочайшего смирения мы имеем Преблагословенную Владычицу.
3. «Лествица Иакова» потому и показана, чтобы учить закону постепенности. В духовном пути взлеты ненадежны. На примере Богоматери мы видим следование тому же закону. Ее восхождение началось с основания – с молитвы в храме, с постоянного внимания и усердного труда.
4. «Лествица Иакова» основана на земле. Это и закон, и радость для всей земли. Если обратиться к образу Богоматери, то и Она от земли, от рода человеческого. Она ничем земным не пренебрегала: ни труда не гнушалась, ни скорби не считала для себя ненужными, ни общения не избегала, ни уединением не тяготилась. Только грех на земле вредит всему, а так, без греха, вся земля благословенна Богом и лучший цветок земли – Богоматерь – «Надежда и Утверждение наше».
5. «Лествица Иакова» полна Ангелов, поднимающихся от земли и спускающихся к земле. Несут они Богу молитвы всех, а людям от Бога – дары Его любви. Память об этом может ободрить каждого, тем более тогда, когда кажется одиноко и грустно в мире, давно страждущем от «оскудения преподобных». Для верующих это оскудение восполняют Ангелы, и милость Царицы Ангелов – Пресвятой Богородицы.
6. «Лествица Иакова» не только утверждена на земле, но и достигает неба. Этим примером Господь зовет каждого подниматься и устремляться ввысь, к Богу. Ярким и вдохновляющим живым примером, а не только образом, может быть каждому Пресвятая Богородица, Которая достигла высшего из даров богообщения в самом совершенном образе. Всем верным Она будет Помощницей и Заступницей, если стремление к Богу станет смыслом всех исканий в жизни.
7. Наконец «лествица Иакова» – это связь неба с землей, человека с Богом. Неповторимый и совершенный образец ее – Пречистая Дева. Она Сама стала той лествицей, которая возводит к Богу.
Понятно становится, почему читается этот отрывок из книги Бытия на всенощном бдении в праздники Пресвятой Богородицы.
Книга пророка Иезекииля (XLIII, 27; XLIV, 1 – 4)
По окончании же сих дней, в восьмой день и далее, священники будут возносить на жертвеннике ваши всесожжения и благодарственные жертвы; и Я буду милостив к вам, говорит Господь Бог. И привел он меня обратно ко внешним воротам святилища, обращенным лицом на восток, и они были затворены. И сказал мне Господь: ворота сии будут затворены, не отворятся, и никакой человек не войдет ими, ибо Господь, Бог Израилев, вошел ими, и они будут затворены. Что до князя, он, как князь, сядет в них, чтобы есть хлеб пред Господом; войдет путем притвора этих ворот, и тем же путем выйдет. Потом привел меня путем ворот северных перед лице храма, и я видел, и вот, слава Господа наполняла дом Господа.
Вторая паремия обещает через пророка Иезекииля пленным освобождение и даже храма восстановление. Он, пророк, говорит об устройстве будущего храма и об освящении его. Освящать будущий храм будут семь дней, а на восьмой день священники должны принести жертву, но уже не для освящения храма, а для умилостивления Господа и как знак благодарности Ему и выражение преданности. Пророк в видении видел храм весь, потом ему снова показали восточные врата святилища. Они были закрыты. О них было ему сказано, что Господь прошел ими, и никто уже не должен не только проходить ими, но даже и видеть их открытыми. Нет исключения в таком случае ни царю, ни первосвященнику. Даже для вкушения жертвы первосвященнику дозволено будет подойти через притвор к вратам (слово «елам» не перевели греки; оно означает притвор или галерею), чтобы почувствовать себя как бы перед лицом Бога.
От восточных врат пророк был проведен к северным, откуда ему открылось величественное зрелище славы Божией.
Блаженный Феодорит, мнение которого приняли отцы Церкви, считает восточные врата, которыми однажды вошел Господь, символом Богоматери. Она как бы открыла дверь Господу в человеческий мир. Господь стал Человеком, как все мы. Матерь Божия послужила единственному и неповторимому таинству воплощения Господа. Поэтому в Богородичные праздники читается эта паремия.
Книга Притчей (IX, 1 – 11)
Премудрость построила себе дом, вытесала семь столбов его, заколола жертву, растворила вино свое и приготовила у себя трапезу; послала слуг своих провозгласить с возвышенностей городских: «кто неразумен, обратись сюда!» И скудоумному она сказала: «идите, ешьте хлеб мой и пейте вино, мною растворенное; оставьте неразумие, и живите, и ходите путем разума». Поучающий кощунника наживет себе бесславие, и обличающий нечестивого – пятно себе. Не обличай кощунника, чтобы он не возненавидел тебя; обличай мудрого, и он возлюбит тебя; дай наставление мудрому, и он будет еще мудрее; научи правдивого, и он приумножит знание. Начало мудрости – страх Господень, и познание Святаго – разум; потому что чрез меня умножатся дни твои, и прибавится тебе лет жизни.
Третья паремия посвящена Премудрости. Под Премудростью священномученник Игнатий Богоносец, святитель Амвросий Медиоланский, блаженный Августин и другие отцы видят Господа Иисуса Христа. Домом Премудрости, согласно Евангелию (Мф. XXVIII, 20), принято считать Церковь. Разнятся мнения отцов, что считать семью столпами. Одни считают, что это указание на Семь Вселенских Соборов, другие, что на семь таинств, третьи – на семь даров Св. Духа (Ис. XI, 12). Трапеза, тем более с упоминанием хлеба и вина, растворенного в чаше, конечно же, символизирует Евхаристию, но можно сюда включить и все блага Церкви, среди которых и слово Божие (Мф. IV, 4 и 1 Кор. I, 4 – 5).
Кого послала Премудрость звать на свою трапезу? Это речь о проповедниках Евангелия, которым заповедано огласить весь мир («шедше, научите вся языки»; Мф. XXVIII, 19). Кого же зовут? Безумных, то есть тех, кого не удовлетворяет мудрость века сего, кто ищет оправдания кровью Агнчей, что в Церкви возможно в таинстве Евхаристии. Приглашенным предлагается расстаться с безумием, т. е. с сомнением, неверием, заблуждениями и покорить разум вере. Не все пойдут на зов Божий, и потому Господь словами «Наказуяй (т. е. призывая, показывая пример, убеждая) злыя, приимет себе безчестие» и дальнейшими предостерегает от близкого общения со злыми. Их не исправишь, если они не хотят этого сами, а только раздражишь и себе повредишь. Кроме того, навлекая на себя опасность, помешаешь делу Божию. Это должно быть предупреждением для тех, кто призван быть посланником Божиим для спасения премудрых, т. е. тех, кто способен внять наставлениям. Таким образом исполнится слово Евангелия: «иже бо имать, дастся ему и преизбудет» (Мф. XIII, 12). Обращение к страху Божию (к страху чем-то нарушить волю Божию, а не к боязни наказания) как к началу премудрости сделает всякого, любящего мудрость и правду, ровным, смиренным и опытным. От совета святых такой будет только богатеть разумом. Если об этом заботиться, то и временная жизнь будет спокойнее (и потому долголетнее), и вечная – надежнее.
Какое отношение это имеет к Богоматери?
Ее Церковь называет «Пречистый храм Спасов», «Палата всех Царя» и другими сравнениями, которые говорят о том, что Она живой храм Божий и к Ней можно отнести слова о доме Премудрости. Если каждая душа может стать храмом Богу, то тем паче Его Пречистая Матерь.