Эпоха новых чудотворцев

В середине XVI века Русская Церковь переживает яркую страницу своего бытия. Это время интенсивной соборной жизни, больших культурных начинаний, что было связано с многосторонней просветительской деятельностью Всероссийского Митрополита Макария (†1563; пам. 30 дек.). В 1547, 1549 годах он собирает знаменитые Московские Соборы, справедливо называемые историками Макарьевскими¹. Сохранилось несколько грамот первого Собора. Документов второго Собора до нас не дошло, но царь Иоанн IV довольно подробно рассказал о его работе. Об этом читаем в Стоглаве: “И в 19 лето возраста моего по нашему наказу архиепископы и епископы и честныя архимариты и игумены собираются в царствующий сей град к нам ко отцу нашему Макарию Митрополиту всеа Русии, каноны новых чудотворцев и жития их и чудесы на Соборе полагают и свидетельствуют всеми освященными Соборы и предают церквам Божиим пети и славити и праздновати якоже прочим святым от века Богу угодившим по настоящему коегождо месеца дни и числа преставления их и святые имена и обретения честных мощей их. Им же поют и до сего дни”². На Макарьевских Соборах было прославлено множество русских святых, “новых чудотворцев”, как тогда называли новоканонизованных и вообще всех русских святых. “Канонизация святых была в России довольно частым явлением, но редко оно превращалось в церковное и государственное торжество. Особенно много святых было канонизировано при Митрополите Макарии, старавшемся сделать почитание многих местных русских святых общенациональным”³. Начиная с Макарьевских Соборов канонизация святых на Руси становится прерогативой центральной церковной власти.

Канонизация святых потребовала написания Житий новоканонизованных святых или создания новых редакций Житий, а также Похвальных слов им. Благочестивые авторы писали также и Службы святым. В свою очередь Жития, Службы и Похвальные слова размножались писцами во множестве списков, расходившихся по всей Святой Руси. В это время в древнерусской письменности “появляется типологически новая по своему содержанию книга, сверстница Великих Миней — Книга Новых чудотворцев <…> В ней содержатся службы, жития, похвальные слова русским святым”⁴. Тексты Служб полагались на тогдашние крюковые ноты, что обогащало церковную музыку. “Вторая половина XVI века была отмечена значительным ростом активности в области церковного пения. Одним из стимулов для ее развития послужила канонизация русских святых на Соборах 1547 и 1549 годов. В честь святых, получивших общерусское признание, создавались новые службы и циклы песнопений”⁵. Соборы, очевидно, касались и таких важных вопросов, как устав совершения новых служб⁶ и написание икон с изображениями святых⁷. Имена новопрославленных святых давались младенцам при совершении Таинства Крещения, в честь новых Чудотворцев строились храмы, совершались открытия святых мощей отечественных подвижников⁸. Поэтому современник Макарьевских Соборов справедливо отмечал, что теперь “церкви Божии в Русской земле не вдовствуют памятями святых и Русская земля сияет Православием, верою и учением «якоже вторый великий Рим и Царствующий град: тамо бо вера православная испроказися махметовою прелестию от безбожных турок, зде же в Рустей земли паче просия святых отец наших учением»”⁹.

Макарьевская эпоха оставила истории множество имен древнерусских авторов. Е. Е. Голубинский говорит об этом: “…они восстали целым немалочисленным сонмом, чтобы поспешить удовлетворением одушевлявшего общества желания. В 20-летнее правление Митрополита Макария было написано Житий святых почти на одну треть более, чем во все предшествующее время от нашествия монголов”¹⁰.

В созвездии писателей-богословов того времени яркой личностью был инок Григорий, подвизавшийся в Суздальском Спасо-Евфимьевском монастыре. В своих агиографических трудах он прославляет суздальских подвижников. Первым следует назвать основателя Спасской обители и духовного друга преподобного Сергия Радонежского (†1392; пам. 25 сент.) — преподобного Евфимия Суздальского (†1405; пам. 1 апр.). Наиболее известно написанное иноком Григорием Житие преподобной Евфросинии Суздальской (†1250; пам. 25 сент.)¹¹. Им были также составлены службы и Суздальским святителям — епископам Иоанну (†1373; пам. 15 окт.) и Феодору (†1023; пам. 8 июня). Лик суздальских святых, песненно прославленных иноком-гимнографом, завершает имя преподобного Космы Яхромского (†1492; пам. 18 февр.).

“Наряду с суздальскими святыми автор прославляет соборне всех русских святых «новых чудотворцев» в специальной службе и похвальном Слове”¹². Соборная их память была положена 17 июля. “По-видимому, суздальские князья Шуйские, близкие к Митрополиту Макарию, и отыскали Григория для составления «Службы всем святым». Этому мог способствовать и епископ Суздальский Афанасий Палецкий, в мире князь Палецкий, свойственник Ивана IV по жене его брата Георгия Васильевича Иульянии”¹³.

Служба Российским “новым чудотворцам”, соборне прославляющая отечественных подвижников, названа “новым фак­то­ром в русской литургической письменности”¹⁴. Сейчас пишутся службы Ярославским, Тверским, Сибирским и другим Соборам святых, а начало этому гимнографическо-литурги­ческому явлению на Руси было положено в середине XVI века иноком Григорием Суздальским в связи с Макарьевскими Соборами 1547, 1549 годов.

Принадлежащее ему Похвальное слово русским новым чудотворцам начинается такими словами: “Хощу к похвале язык подвигнути и ужасаюся, хощу помянути и страх объемлет мя, хощу помянути иже святое житие поживших и веру Божественную сохранших и Российскую землю чудесы просветивших…”¹⁵. Как установила болгарская исследовательница, суздальский писатель взял за основу этого своего труда “Слово о преподобных отцах в Сырную субботу” Митрополита Григория Цамблака. Она так характеризует творение суздальского писателя: “Слово русского автора по существу имеет энциклопедический характер, и так как это новая тема, созданная для нового праздника, то с полным основанием можно подтвердить широкую образованность автора. Он использовал патериковое повествование (из Киево-Печерского Патерика), множество русских житий, что показывает стремление автора — в отличие от Цамблака — к конкретным реальным подробностям в житии героев. В этом отношении Слово о русских святых отдаляется от абстрактного, обобщающего содержания Цамблакова произведения. Определенная гражданская позиция Григория Суздальского (особенно в похвале Владимиру), некоторые патриотические мотивы (например, в эпизоде о Меркурии Смоленском) придают творению публицистический смысл, соответствующий данному времени и действительности”¹⁶.

Несомненно, инок Григорий назвал в своем Похвальном слове не всех отечественных святых, почитавшихся тогда на Руси, но это первый памятник, в котором они соборне прославляются.

Ниже предлагается текст Похвального слова русским святым, написанного иноком суздальским Григорием, по рукописи XVI века из собрания Прянишникова (РГБ. Ф. 242. № 60).

(Л. 243) Месяца июля 17 день слово на память всех святых новых чюдотворцев Росийских списано смиренным черънцем Григорием в обители великаго Еуфимиа Суждальскаго.

Хощу к похвале язык подвигнути и ужасаюся, хощу помянути и страх объемлет мя, хощу помянути иже святое житие поживших и веру Божественую сохранших и Росийскую землю чюдесы просветивших и в постных подвизех просиавших святых преподобных и богоносних отец великих и непрестанными к Богу молитвами велику победу на врагы показавших, красная ж и суетная мира сего отвергъших будущиа ради жизни, яже Бог уготова любящим Его¹⁷. Хощу онех помянути и недоумение объемлет мя, хощу (Л. 243 об.) // в среду¹⁸ привести и весь умем иступаю, помышляю онех высокое и ин от инаго бываю и непостижениа покрывает мя облак и убо желание оставляет мя нудя, недостоиньство ж безгласием связует язык. И иже бо о онех хотяй творити Слово, онем подобен во всем хотяй быти и да к величеству похваляемых течением слово достигнем, обаче ж ни тако возможет в телесы, аще бо Павел великий Апостол таковый и великий до третиаго небесе восхытивыися, о них же тамо виде и слыша нам сказуа глаголаше, ихже не леть есть человеку глаголати¹⁹. Како ин кто от Павловы добродетели остая, возможет по достоянию онех неизреченную славу похвалным представити (Л. 244)// словом, ибо онем сподобишася чистем, понеже бо Бог в лепоту любящим Его уготова, их же око не виде, ни ухо слыша, ни на сердце человеку взыдоша²⁰ внидоша в радость Господа Своего²¹, ибо умножиша талант и слышаша сладкий глас: Блазии раби, добрии вернии надо многыми вас поставлю²², нектому вас нареку рабы, но братию²³; братиа бо Мне — творящеи волю Отца Моего: с зверми жительствоваста временно — с ангелы будете бесконечну имуще жизнь; в пустыных и в пещерах и горах жительствовасте — наследуйте небо; нищету изволисте ради обнищавшаго Мене — обогатитеся нетлением, плакасте тогда — радуйтеся ныне и радости вашея никто же от вас возмет²⁴; кротцыи, смирени сердцем бысте — приимете (Л. 244 об.) // жребиа вашего землю кроткых; алкасте и жадасте — насытитеся Мене, Аз бо есмь Хлеб истинный сшедый с небесе²⁵ и упистеся от обилия дому Моего, потоком бо пища напою вас, у Мене источник животу; текосте тесным и прискорбным путем и внидосте тесными враты и приведоша вас в жизнь: Аз есмь воскресение и жизнь²⁶ и путь и дверь и пастырь добрый, положивый душу свою за овеца²⁷. И жених грядый в полунощи, егда вси спят²⁸, егда ради безгодиа временнаго отлагаем есть жениха приход, егда дремание последнее, и понеже вы сиа очима своима ни веждема даете, но светилники украсисте и воплю бывшу “се жених” первии к сретению явистеся²⁹ и не токмо ж вы, но и многы ины утрависте³⁰ (Л. 245) // и научисте — со Мною внидите на бракы и в брачную облецетеся одежду да процветете нетлениа заря измождалныа плоти ваша злостраданием паче солнца да просияют праведницы, бо восиают аки солнце³¹, таковым убо честем сподобльшихся, кто не похвалит по достоянию? Мы же братие, елико по силе немощи нашея ради, по достоиньству их похвалим, поне же тех блаженных преблаженная наста память и не зазрите ми грубости, рех бо тогда: имам глаголати мужи великиа же и чюдны и в лепоту.

Что в Росии чюднейши благовернаго князя Владимера, иже познавшаго веру истинну? Понеже бо акы великии Павел Апостол свыше зван есть, тако и сий правидный Владимир, от слепоты просветився, просветися (Л. 245 об.) // банею Святаго Духа и потреби идолы и приведе архиереа от грек и всю землю Росийскую просвети Святым Крещением. Той бысть первый ходатай нашего спасениа, аки вторый Констянтин делом и словом. Кто же любимицы не дивится слыша или зря прежде бесплодную землю Росийскую, ныне же ради Владимира — многочадну и доброчадну, толики инок полки, ими же просвещся земля Росийская насади, и воздела и плод приносити устрои Евангелию достойны.

Антоние в Росии — первоначальниче мнихом, иже в Киеве един в пещеру вшед и помале тысяща и тмы того чада явишася, руце имуще на ополчение и перьсты своа на брань³²: ни телеса низлагающая, ни крови изливающая, но козни вражиа попира (Л. 246)//ющая и всяко возношение возносяще на разум Божий. И понеже Антоние славу бегаше, и горняя слава того приимаше и началника и вожда полагаше — извести порабощеныа от страстий мирьских. Антоние — попечение Рускиа земля. Словом вместо же зла чюдо творя, ово же и житие смирено и нищетно проходя, ибо того кормчию и наставника Господь постави новопросвещенным людем; понеже житие горних в немощней плоти проходяще — великиа же волны и буря хотяхуся подвизати от внутрь убо уду и отвне брань и беаше чаемо обьстояние, показа ему Господь (аки великому Антонию)³³ и видети во обычном тому видении вражии сети простерты по всей земли и воздух приемлюще, понеже недоумея стояше: (Л. 246 об.) // и кто сих убежать помышляше? Обычный того глас научаше, ибо смиренаа мудрость. Якоже глагол и да не влагает тя во ужасть видимое и да не смущается сердце твое. Таково бо сетей сих естество: страшно купно и грозно, но смирениа — сила велика и непобедима, яко небесным чином подобитися. Сим приснодвижимым Божественнаго желаниа и въспеванием непрестанным и благодарением неоскудным в крепости тела, еже победити имящаго и пакы во охужние³⁴ побежатися, но многовысочайша нашего отца победа: и толика, еже небо от земля высочайше, елико свет от очию от слепоты сладчайши — оного бо ниизложи, о нем же во Иеве писано есть: воздвиже опаш³⁵, аки кипарис (Л. 247) // жилы же его сплетены³⁶ и ребра его медена, гроб же его железоизлиано. Се есть начало твари Господня, и сотворено ругаемо быти от ангел Божиих. Кто такову победу виде? Тогда убо воем началнику купно воины безмолвстующу и съпротивным подати всем, сътвори победы многы македоненин он к персом же и индеом и возможе удержав его же и козла виде Данил скачюща велми и рог высок имуща³⁷. Но что сиа ко Антониемым, что Росийскиа земли победа? Яко же Владимир победи вся кумиры и потреби богы и божница, зде же не тако — но вси лукавии полцы плещи даша, гоними Антонием, и человеческым гласом свою победу проповедающе. Сего житию удивишаса ангели (Л. 247 об.) // и исправлениа его восиаша посреди вселенныа зарям солнечным подобно. И аще и самое отроча вопросишь: кто иноком наставник; и отвещает ти — иже есть Антоние.

Что ж к сему единому токмо да иная умолчю Феодосиевы душа видение в воздусе ангел в славе возносиму от чистых от очию, сего бо ти приведох, иже научих вся житейская презрети, да на место, идеже бе Богом позван, на то же прииде к блаженому Антонию живущему в пещере. И приат бысть от него и повеле авва Антоние великому Никону, да его облечет в мнишескую одежду. Блаженый же Никон поим блаженаго Феодосиа и по свычаю святых Отець постриг. Отець же наш Феодосие весь предався Богу и преподобному Антонию от то (Л. 248)//ле, подаяшеся на труды делом телесным, бдением всенощным в славословии Божии, сонную тяготу отгоня, вар дневный попонесе к воздержанию плотию, тружаяся рукама своима делая, воздержанием душу смиряше, тело же пакы трудом дручаше — дивити же ся преподобному Антонию и великому Никону смирению его и покорению и толику его во юности благонравьству и креплению и бодрости. По великом же Антонии сей святый Феодосие, чин небесный на земли показав и житиа единообразнаго устав и общее, высок в добродетелех сияа в чюдесех. И еже почитаяй о нем — обрящет у него многы досточюдные мужа, в них же бе блаженный Варлам, бе сын (Л. 248 об.) // иже прьвый у князя Изяслава в болярех именем Иоан и княж же каженик³⁸ чюдный Еврем. И еже искони злодеиев жин запинатель³⁹ нанесе велику брань на великиа отца ради двою сих и обратися болезнь его на главу его и на верхь его неправда его снидет⁴⁰. Сам невозможе угрызнути лукавый, тогда князю нанесе в сердце гнев о пострижении дву боляр бес повелениа его, да зле опечалит святыа отца. Близ же Господь сокрушеные сердцем и смиреные духом спасет⁴¹, обрати жестокое сердце княже на милость к отцем и несть лепота ити на святыа. Не почиваше бо враг, боряся с ними, и уведе болярин Иоан, иже никоего зла отцем не сотвори, христолюбивый князь Изяслав и разжегся на нь ярым гневом, сына своего ради, (Л. 249) // ибо в велицей силе умысли распудити святое: вшед в пещеру и им сына своего блаженаго Варлама, извлече вон и тако поругася ему и снем с него ангельскый образ и облече его во одежду светлу, как лепо боляром, теплый же душею ни видети ея хотя. Он же многажды сътвори ему силу и, связав руце его, в той же одежде веде и сквозе град, блаженый же сверже ю в распалину⁴². Отец же его введе и в дом свой, и лукаваго ловлением, много поругася ему, повеле же и жене его на прелщение служити пред ним. Он же моляшеся Сердцевидцу Богу, могущему спасти от прелести тоа и сице пребысть 3 дни во единой власянице, ни брашну причастися. Велицыи же отцы и с сущим с ними в печали мнозе его ради Господа призываху за нь. (Л. 249 об.) // И бе праведных молитва поспешествуема⁴³, возваша бо праведнии Господь услыша их⁴⁴, обрати же Господь жестокое сердце отца его на милость к чаду своему, целовав любезно и отпусти его в пещеру к отцем и скоротекый достиже тоа. Отцы же, видевше его, зело возрадовашася о Господе, то уже мнози невозбранно прихожаху в пещеру благословениа ради от отець, друзии ж от них черноризцы бываху искусни; лукаваго же сеть сокрушися, отцы же избавлени бывше именем Господним, противишася твердии адаманти сътръшаго главу змиеву.

К сим же и Дионисие Нижеградцкий, яко великое светило иже бе и той пещеру содела аки град, ему же и ученик множество бе числом и до 500 в ангельском чине причитаются. Чюден (Л. 250) // беяше и велик сий отець, толикы тысуща пр(иве)де⁴⁵ Господеви, толикых душь попечение име, его же добродетелию издалече влекоми, подобно еленем на источникы водныа⁴⁶. Се убо многы ревнителю быти добродетели научи и зимою греховною обуреваемыа — согреваше покаянием и сим образом греховныя струпы очищахуся падающаа, от яда смертоноснаго изимаше. Той же великий отець бысть последи епископ града Суждаля, бе бо имея разсуждение от Святаго Духа во обоих в образех же и вещех: во иноческих же и миръских.

Вем полнаго благодатей и великое светило чюднаго Сергиа. Сей убо великий аки Предтечя: Предтечя убо в чреве матерьни взыгра, съи же во чреве матере своея (Л. 250 об.) // трикраты провозгласив, служитель Живоначальней Тро(ицы п)оказася. Съи есть небесный человек и въ плоти ангел и мира млъву оставль и въ пустыню вшед вселися, в ней со зверми жительствуа. И бысть Мудраго Бога Промыслом, не бо может град укрытися вверху горы стоящь⁴⁷, тако сий великий отець в пустыни един съкрытися, в ней же собрася к нему множество ученик, в нихже бе и блаженый Никон, по великом оном учители и вожи наставник учитель быв святому оного собранию. Сей убо великий Сергие посреде святых сияа чюдесы, яко солнце посреде звезд, и ему же съ учеником его Михеем явися Пренепорочная Богородица с Апостолы с верховным Апостолом Петром и с Богословом Иоанном и глагола ему (Л. 251) // о ползе строительства и невидима бысть. Сей великий отець многы ревнителя добродетели настави, множейших же тоя учителя показа; истинна бо глаголемаа, яже о нем писаниа прочитая и увесть, в немже убо многы ины досточюдны увесть мужа.

Недоумею, что великаго нареку Варлама Новогородскаго: ангельскаго бо требует, а не человеческаго языка, еже о нем слово.

Великий въ отцех Антоние чюдный, иже на камени по воде из Рима, яко на колесницы, приде в Великий Новъград и обрете место благоугодно, на нем же обитель велию составив и собрася к нему ученик множества и научи огребатися⁴⁸ от всякаго зла съединити же разум отнюдь упованиа нашего Христови (Л. 251 об.) //.

И о Аниките, хвала Переславъскому, иже от своих сих нужную смерть приемшему, сладкому источнику слезам, о нем же Господь глаголаше: Блажени плачющеи, понеже ти утешатся⁴⁹. Сей убо великии отець, иже нечювствием си исъсохшая душа своими словесы и наказании на покой воздвиже от лености и бесплодиа, час будущаго суда приснодушевныма очима яко настоящее представляа, и яко жалом касаясь жестоким душам и суровым и к умилению преклоняа; наказатель явлься небеснаго любомудриа и врачь душевным струповом, непобедим подвигом восходом еже на столп показася и к борению воздушных ратник совлекся. И не на земли с ним съплетеся, но стоя выспрь на столпе (Л. 252) // и к онех борению непреклонен пребысть с Давидом поюще: Ибо мнози борющеи мя свыше, в день не убоимся, зане Ты с нами еси.

Вем великаго Еуфимиа Суждальскую красоту. Сей бо, яко светлая звезда от востока к западу, приде от Нижняго Новаграда к Богом спасаемому граду Суждалю и на горе высоце обитель составльша и число доволно ученик собравша и до трех сот и сих учаше от высоты земныа горы на Небесную преселитися гору.

Что же Кирил Белозеръский, еже птичие житие поживе надеждею питаем будущих, светило великое, на нем обетованиа о нем же благословениа населитель пустыни. И ему же явися Пресвятая Богородица, той же во имя честнаго и славнаго ея Успениа пресветел храм воздвиже и лавру (Л. 252 об.) // сотвори и совокупи множество ученик. Придете братие и почюдимся великаго отца смирению и креплению и бодрости, сей бо сице показав устав общаго житиа, единообразно по всей Росии, светится яко столп непоколебим даже и до днесь. Кий язык исповесть того подвиги, или кий ум достигнет того деланиа о Христе и труды, силы же и чюдеса, и дар пророчествиа, и различным язвам исцелениа вкупе душевным же и телесным. Довлеет же от самого начала житие великаго отца познати, понеже не облак света ниже столп огненый, но самая благодать Божиа того наставляше, во всем страшна же лукавым толико, елико окаяннии нечто мало великому приразившеся и аки огнем от того (Л. 253) // острыа молитвы пополяеми и своему бестудию зазираху⁵⁰, познаваху бо свою силу некрепку сущу. И Христова воина, мняще побежахуся, горко и аки втораго великаго Антониа, от дел познавающе, возвращахуся, ибо того кормчию и наставника Бог постави и звезду нелестну иноческому жительству, ово же блаженый житие смирено и безмлъвно проходя: житие горних в немощней плоти проходя и на самый тоя верх доспевый добродетелей въ бозех быв и Бог в нем, Бог бо любы есть⁵¹.

Кто не весть блаженаго Димитриа Прилучскаго, о немже многы повести списаны обрящеши. Презрениа богатства, лишение делних всех, понеже бо мимотекущиа аки уметы⁵² вменив, да сладкаго Христа приобрете (Л. 253 об.) // и последова Тому по Того заповеди: непобедимое оружие Крест вземши⁵³ и лукаваго сети сътре по данней ему благодати.

Вем во отцех великаго Макариа Желтовотцкаго, небеснаго человека, земнаго ангела, кормчию и вожда, преизящна иноческому жительству, в чюдесех же многа и предивна.

Что же Ефрем и Сава Вешерскый — Новоградская славо; кто умом или словом их труды от дел же чюдеса изследит.

Блажен во отцах великий Аврамие Ростовская похвало, предивен в чюдесех сиая в добродетелех, аки деньница. Даром же от Господа украшен — съкруши идола искони, иже злодей враг, ненавидя рода человечя, нанесе блаженому срамоту, но не язву, и обратися болезнь его на главу его⁵⁴, ибо того разумнаго (Л. 254) // адаманта укрепляше Господь и наипачеж удиви его пресветлыми чюдесы: во мраце страстие озаряа всю Рускую землю яко деньница. Сей убо мертвости душетленныа избави молитвами си человечество, самая бо Благодать Божиа того наставляше. Любимцы, придете почюдимся великаго отца: не требует бо человеческаго языка, но о горних житие бо горних в перьстней плоти поживе.

Кто не весть блаженаго Дионисия Глушитцкаго, смирение показавшаго, ибо смиренным, по Апостолу, самая Истина Бог благодать дает⁵⁵. Той же и тръпение показа с кротостию, о нем же рече Господь: Блажени кротцы, ибо ти наследят землю⁵⁶. Той же пролитию слезам источник бе, о нем же рече Господь: Блажени плачющеи, ибо ти утешатся⁵⁷. Той же иноком предобрый (Л. 254 об.) // наставниче и благое украшение и виде Господь его добродетели даром чюдес обогати его.

Ублажаю чюднаго Феодора и дивнаго Павла и Козму славнаго и пречюднаго. О вы, звезды Ростовъскиа, овоже сей Владимерская похвало, иже на Яхрени.

Блажим во отцех блаженаго Павла Обноръскаго — пустынное воспитание отцем, слава исправлениа бо того вселенней суть свет.

Что же ли в отцех Макарие Колязинский? Кто от земных исповесть труды его и болезни, или кий язык изречет жестокое житие его, понеже в высоких чрътозех добродетели предуготовав.

Что же Пафнотие Боровьский? Аще убо и от неправедну роду влечашеся⁵⁸, но праведен плод Богови принесеся и Троицы (Л. 255) // жилище показася. Той же великий отець славу мимотекущую на нетленную премени и с вышними ликы того ради причтеся и предстоит же Престолу всех Царя.

Блажим блаженыа отца Стефана, иже на Махрищи, и Мефодиа Песноскаго, иже постническы доволни быша; кто прочее доволен достигнути к толицей высоте преподобных отець и толико множество обиати умом. Имена онех купно и исправлениа представити словом никто же возможет, исправлениа бо тех вселенную осветиша и имена тех написана в Книзе Жизни стоят. Ти же съ ангелы причитаются и непостижимыя оноя Божественыа славы достойни сподобишеся видети, но понеже корене благороднаго добро (Л. 255 об.)//детель вмале показавый, объяви с сими всего древа ветви таковыя славы приобщитися.

Что же Саватиа чюдный и Изосима дивный — двоице избранная, чюдодейственая в мори окиане боговидная веръсто⁵⁹, ангелом спричастная и боголюбезная, яко две светила велика Соловетцкаго острова. Твердостию разума блажении укрепившеся, различная мечтаниа врагов посрамиша и гордыню тех возвышеную низложиша. И толико Господь угодникы Своа прослави и удиви чюдесы, елико звезды небесныя и яко песок во скрай моря, тако и чюдеса великих отец, елико в мори ли в реках или по суху множества ради неизочтена суть.

Вем полнаго чюдес Саву, постившагося в Андроникове, (Л. 256) // его же житию ангели удивишася, истинныа любве делателю, тесными прошедша житиа враты.

Что же цевница⁶⁰ Христова Никола Качанов Новоградский, Исидор Ростовъский, еже Твердослов нарицается, и Максим Московъский Христа ради уродивии — три светила незаходимая, чюдодейственая, благочестию тръпеливии адаманти.

Вем полнаго благодатей благовернаго великаго князя Михаила Черниговъскаго — и мученика и преподобна; и в обоих добльствоваша и искусна явльшася и врага посрамивша и мучителево злобуйство обличивша с доблим его болярином Феодором, ради исповеданиа Православныа веры от Владыкы Христа сподобишася приати почести венца нетленныа.

Блажю преславный град Ярославль, иже три светила (Л. 256 об.) // произнесый — преподобных и богоносных отець благовернаго князя Феодора и чад его Давида и Коньстянтина. С сими великими чюдотворцы блажим преподобнаго благовернаго князя Александра Невъскаго, его же храбрость, и любомудрие, и чюдеса Владимерьстии иноцы написаша достойно добродетели его.

Что же блаженый князь Петр и всеблаженая супруга его княгини Феврониа — Муромьская славо, последоваша стопам Владыкы своего по Того заповеди, непобедимое оружие крест вземши⁶¹, и полкы врагом прогнавше; двоице избранная светила незаходимая, но присно повсюду тех есть видети обрезы (!) в чюдесех же и делесех.

Что же ли пакы Еуфросиние блаженая, Суждальская похвало, отечьство имеяше Горний (Л. 257) // Иерусалим, долнее же — град Чернигов. От благороднаго корене израсте доброплодная розга⁶², от блаженаго родися князя Михаила и воспитанна в наказании доблем и Божественым светом озаряема, яко преобидев тленная и долу влекущая мудрованиа к вышнему течением радостно устремися, яко звезда многосветлая восиа от Чернигова и озари Суждальскую страну, иже мужству тезоименитая, преиде от Чернигова к Суждалю, ему же аки второе солнце возсиа. От юности блаженая мирьскиа мятеж оставль, о всем помощницу имея Пресвятую Богородицю и влезе в лавру велию посреди града Суждаля Пресвятыа Богородица честныа и славныа Ея ризы Положение. И кто от земных прочее житие ея исповесть, бдение же и сухоядение, уму (Л. 257 об.) // смирение, разсужение доброразсудное, худость ризная, память смертная; ибо блаженая мати воистинну ничто же убо требует от телеснаго языка похвалитися, но от самых Небесных сил похваляема. Егда преиде от зде к тамо сущим, тогда аки голубице душа еа возлете на Небесную высоту, крила бо оная же от чистоты стяжа. К сему же пророческое слово “кто дасть ми криле яко голуби”⁶³, сей же дасть Бог криле яко голубице и нескверненей агнце. Сиа девам похвало и украшение, инокиням удобрение⁶⁴, чистая голубице, междурамиа злато имуще псаломъскы⁶⁵, непорочная агнице Христа Царя, невесто избранная какова ли иже во плоти ангел, ея же житие паче человека краснейших, паче всех дщерей человеческих. Что же ли, (Л. 258) // блаженая, светла душею и делы, кто не удивится тоа еже о Христе житию, понеже бо и мужа превзыде естествеными подвигы, зане ум стяжа Владыку на страсти пагубныа, мужескы бо естество понуди, плоть же поработи духу, чюдес же исцелениа обилну благодать дарова ей Господь, тем же от болезней и трудов достойну почесть приат от Того блаженая, с ангельскими ликы ныне радуется божественаго зрениа наслаждаяся Единосущная Троица. Богоспасаемый же град Суждаль велми блаженною Еуфросиниею хвалится, имею бо рече в себе съкровище неистощимое; мы же, братие, зряще честную раку мощей блаженыа и чюдеса бываемая от нея прославим Прославльшаго еа.

Съшедшеся, блажим в матерех Полотскую благоверную (Л. 258 об.) // княжну Еуфросинию толикую и таковую, ея же житию ангели удивишася, ангельскы бо поживе на земли блаженая.

Кто не весть великое оно светило Меркуриа Смоленьскаго, тръпеливаго адаманта и крепкаго на безбожных вооружника. Во времена же та бысть велика беда в Росии от нашествиа безбожнаго царя Батыя, понеже плени Росию, многы раны разби и плени и множество много изби православных христиан. Таче уже безбожный дойде и до Смоленска, иже чюдесем Бог показа преславное чюдо на святем Меркурии и удивление бысть не токмо убо православным, но и невернии почюдишася преславному чюдеси. Сему святому Меркурию на брани невернии главу отсекоша, той же не даст ей (Л. 259) // пасти на землю, въсхити ю и держа крепко рукама и достиже в мо (!) Смоленьске скоро, идеже бе прежде нареченное мместо (!) от святыя Богородица. От егоже телеси исцелениа и до сего дни подаваются приходящим к нему верою.

Блажим великаго святителя Петра, благоверно пожившаго житие чисто. Сей бо великий отец, истинный бе пастырь словеснаго стада Пастыря Христа; сей бе светило всея Росии Христолюбивым князем, учитель правыа веры, вельможам твердое защищение, сирым аки отець милосерд, въдовам теплое заступление, скорбящим утешение, нищим съкровище неоскудное и всем всяк бысть. Кий ум достигнет того делания, благая или кая уста представят того силы и чюдеса?

Мало воспомяну (Л. 259 об.) // словом блаженаго святителя Алексея, елма бо он бе отцем начало, благочестию столп, верным поборник, скорбящим утешитель и нечестию съпротивоборець, Апостолом наследник, тем и Христос чюдесы того обогати. Не токмо блаженый в своей Отчине сиая чюдес зарями, но и в неверных, шед бо во Орду невернаго царя царицю слепотою одержиму просвети. Егда же прииде от царя, мир Церкве принесе, тогда церковный събор и народи радостно сретоша, свободителя благодарно нарицающе. Нецыи же, аки победителю дары носяще, радостию поклонишася; благоверный же князь великий Димитрие со слезами вопиаше блаженому: О владыко! Что воздам противу труду твоему, (Л. 260) // имже нам мир даровал еси. Зрите братие сего великаго и блаженаго отца, небеснаго человека, земнаго ангела и пресветлаго добродетели бисера.

Что же цевница Христова Иона и Киприан с Фотием и Филиппом? Сии звезды явишася человеком нелестныа, понеже в невечерне Свете живуть. Сии душам спасение, сии орли высокопарнии, сии Солнца зрители неприступнаго, сии делатели Евангельстии, тесными прошедша житиа враты, сии святии отцы — Апостолом наследницы и праведным съпричастницы, Божественаго Духа исполнишася и во временней сей жизни добре подвизашася, темже и в жизни нестареющей обретоша мзду трудов своих.

Недоумею, что нареку великого Иоана светилника Новаградскаго, (Л. 260 об.) // иже в добродетелех предивнаго и преизящнаго в чюдесех? Сего удиви Господь и прослави преславными чюдесы: некогда убо сему великому светильнику во един от дней единою нощию на дусе нечистом, аки на осляти, ездил во Иерусалим и приат от Патриарха благословение и лобзание духовное. И ему же Патриарх вда дары духовныя клобук белой. И еже о сем великом отцы Слово житиа его списано, в нем же множество чюдес его обрящеши.

Како именую великаго святителя Еуфимиа, великую браду: горних бо похвалений требует, а не человеческаго языка. Кто бо его не весть, града оного стояща верху горы и хотящаго убо утаитися, но не могуща, трубы бо яснейша чюдеса того оглашаху. Воистину (Л. 261) // блажен Великий Новград таковаго светилника произнесый, дивна и преславно в чюдесех.

Не умолчю великаго святителя Леонтиа Ростовъскую похвалу, его же житию ангели удивишася. Истинные любве делателю сей, великое светило благочестию столп, Апостолом наследник. Сего великаго святителя Господь показа новопросвещенным людем пастыря и учителя, в небесное наставляа тех пристанище.

Чтож честный Стефан Пермъскый? Сей убо утвердися на камени веры, легко преплы житейское море.

Что же ли в отцех блаженый святитель Исаиа, понеже той светится аки звезда пресветлая, с ним же убо сияют три светила Ияков и Игнатей и Феодор, церковнии (Л. 261 об.) // столпи и Ростову учители преизящнии. Съшедшеся блажим двоицю избранную — Иоанна и Феодора, понеже убо сии святии отцы сиают в богоспасаемом граде Суждале, аки два великая светила, иже небесную всю просвещают.

Царевича Петра мало воспомяну словом: у Царя бо царствующим той царствует во веки.

Благословен Бог, иже вся человекы хотя спасти и в познание истинне приити, иже многообразно немощи человеком посещая и дарова нам врачев — доблих угодник Своих новых чюдотворцев в новопросвещенней земли Рустей, их же имена написана в Книгах животных, иже суть на Небесех, их же житие подобно ангелом и чюдес множества нужно (!), еже вмених и в среду (Л. 262) // приведох и написах не в ухищрении, но простыми словесы боголюбцем въкратце в славу Сына Божиа, избравшаго раб Своих и благодатию Своею целити им дарова душевныя и телесныа страсти наша. Сиа убо Человеколюбцу Богу на ползу нам творящу, да слышавше и видевше сиа, наипаче всю надежду положим на Господа Иисуса Христа истиннаго Бога нашего, вся нам полезная богатно подающаго, их же просим и требуем и сего убо Господа Бога нашего Иисуса Христа призвавше, самую истинну и на Того благодать надеющеся не о ухищрении написании пекущеся, но истинну написах простыми словесы христолюбивым послушником на послушание и ползу. Сего ради молю братие, вашу любовь, не токмо просто (Л. 262 об.) // и яко же прилучися святых мужей прочитати похвалы, но и отсюду днесь мало утре повыше (?) та же множае. Но понеже убо невозможно абие от земля лествица степеня вся преступом единем преити и на версе тоя обрестися, аще не помалу восходом восприимется, дондеже помощи поспешествующе и на тех степеня взыдем и с ними уготованных получим благодать. Толику душе полезну Повесть слышаще, славу въслем Господу славе, молим же благости Его — избавитися нам различных диавольских козней и всякиа тесноты, скорби, гнева и нужда и достойным быти одесную стояниа Христа истиннаго Бога нашего, видети же в том стоянии святых Отец наших молящихся (Л. 263) // о прощении грехов наших, да их молитвами причастницы будем со всеми угожьдшими Богу, Ему же слава ныне и присно и во веки веков. Аминь.

Список сокращений

БТ	—	Богословские труды
ГБЛ=РГБ	—	Российская государственная библиотека
ЖМП	—	Журнал Московской Патриархии
МДА	—	Московская Духовная Академия