Канон всем русским святым

Тропарь. Глас 4:

Яко звьзды многосвьтлыя на тверди церковньй восиявше,

освьтили есте сердца вьрных добродьтелми подвиг и чюдес ваших,

во плоти яко ангели на земли показастеся пощением,

насаждени бысте яко древо при водах воздержания,

напоени струями слез ваших, и скверну омысте,

сего ради явистеся приятелище Божия Духа,

отцы преподобнии, молите Христа Бога спастися душам нашим.

Канон всьм святым иже в Велицьи Росии
в пость просиявшым. Глас 8.

Пьснь 1.

Ирмос:

Поим пьснь Богу, иже от горкия работы фараоновы

свобоже Израиля,

и огненным столпом и свьтлым облаком наставльшему,

яко прославися.

Житием богодухновенны воистинну рай явистеся

Церкви Христовь,

блаженнии отцы вси по имени,

о нас молитву Господеви творите непрестанно.

Радуйся, мнихом в Руси первый наставниче Антоние преславне.

Никоне богоносе, печерская слава,

Исаакие — Яьствт, держава безмолвию,

и Иларион духоносный.

Красуйся воистину сосуде Божий Феодосие священнодушьне,

Феодор и Василие, цвьти пустыньнии,

Алимпие, Спиридон, Арефа, Герасим¹,

свьтлии бисерие. телем свртлии бисери)/

Сияет яко звьзда на небеси в постницьх Евстратие,

и божественый Дамиан,

озаряет же ся с сими великий Матфей,

и Агапит чюдный, аще кто ин, с сими облистает.

Гора жития высока явися Григорие,

страдалец же чистоть Иоанн многотерпеливый,

с ними Кукша священный мученик ²с Пимином постником²,

столп же церкви и терпьния с Никоном Сухим³ явися.

Моисия и Варлама величаю // иже о чистоть

течения же и страдания,

благодьяние же Прохорово хвалю,

почитаю и Лаврентиевы добродьтели.

Слава:

Триединого естества пою лица составна:

нерождена Отца,

Сына рожденаго и Духа Святаго,

безначално царство и божество едино.

И ныне:

Радуйся, пресвятый храме, руно богоносное,

запечатльнный источниче безсмертныя струя,

стадо свое, Владычице, сохрани

от всьх борющих невоевано.

Пьснь 3.

Ирмос:

Небесному кругу верхотворче Господи, церкви Зиждителю,

Ты мене утверди в любви Своей,

желанием си край, и вьрным утвержение,

едине Человьколюбче.

Благоухания нынь исполняемся, яко в рай другий текуще

богонасажденных rjk.,xt/

добродьтелей постник,

иже в воздержании и слезах процвьтоша,

различнь плодоносяще жития, Богу присвоишася.

Великий Антоние птичие житие пожив яко ангел,

новый Иов пакиntktb gjcnybr

— твердый Пимин,

Афонасие же божественый, иже безсмертию тезоименитый,

и славный Феофил с сими да почтен будет.

Высотою жития небеснаго был еси, о Варламе, дом премудрости,

прозрьти якоже божествении пророцы безвьстная и тайная,

еже гдь Божиим // судбам возбытие сподобися,

полезная бо души очистив, о богогласе,

просвьщаем силою Святаго Духа.

Хвалами да почтени будут Афонасие и Стефан всеизряднии пастырие,

скудый Дионисие со Антонием,

великий князь Никола, нареченный Святоша,

знаменьми и чюдесы на земли явися высок.

Кирил, белозерская слава и похвала, и богоприятный Ферапонт да похвалится,⁴

иже в чюдесьх мног дьлом же и словом Михаил Клопъский,

Амъфилохие же и Андроник,

началницы и утвержение мнихом.

Звьздам заря послушания, // жизнь лучших показа,

яко два свьтилника, сияюща нам, Никона же и Саву богомудрыя,

с сими и безименитии,

яко подобноименни, да поются.

Слава:

Пресовершенная Единице, пребожественый и трисоставный,

нерожденный Отче, и Сыне единородный,

Душе, от Отца исходяи, Сыном же являем,

существо едино и единьство, господьство и царство,

спаси всьх нас.

И ныне:

Неизглаголанно чюдо Твоего рожества, Мати Дьво:

како бо рождаеши и чиста еси в том же,

како отроча раждаеши, и неразумьеши отнюдь искуса мужска? –

яко: “вьсть иже паче естества

из мене новольпно // Слово Божие рождьшееся”.

Седален, глас 8:

Антониеву кротость и чистоту Феодосия,

великого и чюднаго,

Павлово безмолвие, Сергия славное,

и прочих преподобных отец чюдеса,

вьрнии, прославим, и почтем пьсньми,

с ними же и Петра, каменя вьре, воспоем

со всьми святители богомудрыми,

и согласно вопием:

молите Христа Бога согрьшениом оставление даровати

чтущим любовию святую память вашу.

Слава, и ныне. Богородичен:

Небесную дверь и ковчег, пресвятую гору, свьтлый облак воспоем,

неопалимую купину, словесный рай, Еввино возведение,

вселенньи всей великий сосуд,

яко в том содьлася // спасьние миру

и оставление первым согрьшением,

тьм же и вопием Ей:

моли Христа Бога согрьшением оставление даровати

благочестно покланяющимся пресвятому Рожеству Твоему.

Пьснь 4.

Ирмос:

Из горы присьнныя Слово пророк,

из единыя Богородица хотящу воплотитися,

боговидно разсмотрь

и со страхом славословяще силу Твою.

В другий рай входяще

добродьтелеи чюдных отец,

сих вкусим присноживотнаго дарования одушевленныя пища,

тепль восхваляюще их.

Свьтилник миру явися

огнесвьтлый в пощении Димитрие,

и с ним озаряют // житием Корнилие и Сергие,

и сопросияет дьяньми Григорие пребогатый.

В пьснех да восхвалится прехвалный Саватие,

постивыйся в Соловецком отоць изрядно,

и всю уяснивый тварь

свьтлолучными чюдес своих сиянии.

Да почтен будет Евфимие, пресвьтлая звьзда,

денница Авраамие, Сава Вишерский всеславный с Крыпетцким всепьтым,

с ними же и богодухновенный Евфросин,

иже дьлы и чюдесы облиставша конца.

Честь добродьтелем Макарие Колязиньский,

Унежъский же — хвала благочестия,

Проповьдается с сими Никита славный,

с Григорием же — // Касиян вкупь предобрый.

Пьсньми восхвалим священными великаго Германа,

иже во отоць Соловецком свьтло постившагося,

свьтилника великого всей вселенньи,

егоже молитвами спасаемся вси.

Слава:

Умовидно неськомое существо

в единорасленую Троицу простирающе,

единого Бога надо всьми исповьдаем

и составы три проповьдаем.

И ныне:

Радуйся, Божие пространное вмьстилище,

радуйся, ковчеже Новаго Завьта,

радуйся, ручко, из нея же манна небесная

дастъся всьм человьком.

Пьснь 5.

Ирмос:

Страстей мя мглы, яко от нощныя глубины, избавляя, //

утреневати сподоби дух мой,

Владыко, молюся,

свьтом дневным Твоих повельний, Христе.

Едемъского рая, приидьте,

видим цвьты присноживотныя,

богонасажденая здания отец тщания,

имже есть един дьлатель Господь.

Нила струями словесными

напаяется всяка душа мысленая,

Леонид же с Филимоном житием сияют,

со Иоанном же и Логгин красится с ними.

Феодор с сынома добродьтелми блистая, просвьщает нас,

великий же князь Александр Невский,

паче же богомудрый великий князь Даниил;

князя же Петра с Феврониею кто достойно славит от земных.

Пьснь Александру, сей приснославный царь страстем,

хвала Павлу, емуже поработа звьрь,

повинуяся ему добродьтелнаго ради совершения,

слава и Герасиму отцу с Генадием, Христовым угодником.

Достодолъжно да почтется преславный воистину Пафнотие,

яко высокий,

возбраняя же бьсовы, Авраамие всеблаженный,

да славится Козма равносвьтлый.

Небо четверосвьтлое явися на земли двоица сия сугубая —

Ефреми тезоименитии,

со Ияковом Тихон, и Евфимие славный с Харитоном

с сими да почтени будут.

Слава:

Составми треми, аще и естеством //едино

Божество есть,

в неже вьрно крестихомся и Единому служим —

Отец, Слово и Дух срасленый.

И ныне:

Радуйся, миру славо, Богородице Марие всепьтая,

радуйся, главизно

божественаго соединения

Сына Божия к человьком, чистая.

Пьснь 6.

Ирмос:

Одержима приими мя, Милосерде,

от прегрьшений многих припадающа

к щедротам Твоим;

яко пророка, Господи, спаси мя.

Чюднии и всечестнии отцы наши,

ихъже божественая страдания,

ихже чюдеса, ихъже исцьления,

кто бо паче сих показа знамением крьпость.

Свьтло да похвалится, яко свьтилом свьтилник,

преславный воистинну Сергие, //

иже тилник преславныи воистинну Сергие,

рикратным проглашением во чреве матерни

прославив Святую Троицу

и чистым житием своим просвьти всю подсолнечную,

и чюдесы своими озаряя вселенныя конца.

Посредь звьзд яко солнце, имже бь началник,

священный Зосима облиста,

с ними же озаряет и Саватие дьянии,

с Василием и со Исаиею досточюдным.

Звьзды сияют другия пакы пресвьтлы –

по образу свьтоносный Иоанн,

с Даниилом, и с Герасимом, и с Досифеом,

и со множайшими иньми иже в Соловецкой киновии славно просиявшими.

Василия всеславнаго пою с Максимом всепьтым //

и с Прокопием чюдным,

с ними же и Исидора Твердаго со Иоанном воспьваю,

хвалю чюднаго и великого Николу Кочанова.

Святое и славное отец множество,

помянутое и безименитое,

избавите от бьд

иже с вьрою творящих памяти ваша.

Слава:

Тя, Троице пребезначалная и божественая Единице,

свьт и свьты, пою, живот и животы, –

Ум, Слово, Дух же Всесвятый –

и свята Единого Бога.

И ныне:

Радуйся, Марие Дьво Богородице,

радуйся, Престоль Господень, радуйся, Льствице,

яже человьческий род горь возведеши

от земля ко Христу Богу.

Кондак, глас 4:

На высоть Господь воздержания

воистину вас постави, //

яко звьзды нелестныя, просвьщающа конца,

наставницы, всечестнии отцы наши.

Икос:

Храми Богу яко воистинну себе содьласте,

всечестнии отцы,

божествеными добродьтелми вашими

мудре украсисте, яко злато издалеча,

вьру и надежду и любовь истинную;

божественнии обьти положисте:

воздержанием постистеся, яко бесплотни,

мудрость, мужество, цьломудрие стяжасте,

смирением же вознесостеся;

тьмже и просвьщьшеся молитвами непрестанными,

видьнии тайными окрилатесте,

небесная достигосте жилища;

мы же недостойнии от непости//зающаго ума нашего

добродьтелей ваших приносим вам малое сие пьние,

радостию, божественою любовию почитающе

всехвалную и всечестную память вашу,

глаголюще: радуйтеся, гражданя горняго Иерусалима,

небеснии человьцы, земнии ангели,

господни оружницы, бьсом сопротивоборцы и низложители,

звьзды всесвьтлыя мысленыя тверди,

тайнаго Сиона необоримии столпи,

миродохновеннии цвьти райстии,

всезлатая уста Слову,

росийская похвала, вселенньи украшение,

прильжно молитеся Господеви о душах наших,

наставницы, всечестнии отцы наши.

Пьснь 7.

Ирмос:

Божия съхождения огнь устыдься в Вавилоне древле,

сего ради отроцы в пещи радованною ногою,

яко во свьте, ликоваху, поюще:

благословен Бог отец наших.

Приидьте принесем пьсни по долгу благовьрным великим князем,

преподобно пожившим и равноангельно,

ихже молитвами воззовем:

Боже, спаси всьх нас.

Радуйся, крестоносный княже и царьское священие Василие преславне⁵,

вторый Коньстантине, просвьтивый Рускую землю святым крещением,

с праматерию твоею Еленою Спасителю Христу предстояще,

в веселии вопиете: Благословен еси, Господи Боже во вьки.

Красуйтася и ликуйта, // страстотерпца Христова

руская князя и самобрата во плоти Романе славный и Давыде чюдный,

престолу Владычню со ангелы предстояща, поете:

благословен еси, Господи Боже отец наших.

Ангеломудреныма хвала великим князем и исповьдником тезоименитым Михаилом,

з доблим болярином Феодором, и з Георгием, и Василием Ростовским,

пьние и слава непрестанно,

усердно по вьре за Христа пострадавшим.

Иже мужеству тезоименитый — свьт в мирь,

царствию же тезоименитый, терпьнием и незлобием якоже Давыд,

звьзда явися вселенньи, князь Василий⁶,

преименованный⁷ же Варлам.

Небомудреный князь Коньстянтин, вторый Владимир,

с чады с Феодором и с Михаилом нынь да почтутся,

Гавриил же и Тимофей с Петром царевичем

пьсньми, яко мудры да похвалятся.

Димитрие — ангел Господень, Феодор — воистинну дар Божий,

царьские отрасли, с сими да поются,

с Вячеславом, и с Людмилою, и с Ефросиниею,

аще кто от благородных другий просия в житии.

Слава:

Единаго един — родитель, единороднаго Сына Отец,

и един — Единаго Свьт и свьта сияние,

и един — единаго Бога Святый Дух, Господа,

Господь един Сый воистину, //

о Троице, Единице святая, спаси мя, благословяща Тя.

И ныне:

Невьсто Божия бысть Богородителнице,

сего бо Слово превьчное телеснь родила еси,

о нем же и жены святыя, свято поживше,

честьми всеразличными Тобою украсившеся,

праматернее падение исправиша.

Пьснь 8.

Ирмос:

Иже на горь святьи проявленнаго

и в купинь огнем Дьвыя Моисею тайну явльшаго

Господа пойте и превозносите Его во вькы.

Пастыря и мудрыя учителя, святителя Христовы Церкве

с преподобными вси возвеличим,

Господа поюще и превозносяще Его во вькы.

По долгу Петр великий, // воистинну⁸ камень вьре и утвержение всея Росии церквам,

и с сим доблественый в подвизьх, многострадалный воистинну и священный

да поется Алексие, со Ионою твердым,

иже архиереом всьм в Руси начальствующем.

Григория Селунскаго, богословная уста,

с Киприяном, и с Фотием, богомудрыма столпома, восхвалим,

такоже и Максима Грека, другаго Богослова,

с боговьщанным и божественым Иосифом.

Гурию слава, Казаньскому мироточцу,

с двема чюдотворцема отцема, с Варсонофием и Арсением,

с ними же и богомудрый в божественых Стефан⁹ //

с¹⁰ Ионою, божественым свьтилником¹¹, да поются во вьки.

Макария, блаженьству тезоименитаго, святителем славу,

со Афанасием Филиппа, и Геронтия, и Даниила,

с ними же и Генадия воспоем, животныя свьтилники,

купно со Аркадием и Александром премудрыми.

Никиту священнаго, тезоименита побьдителя бьсом и страстем,

и Евфимия, воистинну медоязычнаго,

со Ионою пою Моисея,

купно с Нифонтом — Иоанна, отцем верховными.

Слава:

Яко Единицу существом пою Тя,

яко Троицу лицы Тя чту,

Отче, Сыне и Душе Пресвятый,

безначалную державу Твоего царствия // славлю во вьки.

И ныне:

Ты гора Божия явися, Богородице,

в ню же Христос вселися,

божественый храм содьла поющая:

Господа пойте и превозносите Его во вьки.

Пьснь 9.

Ирмос:

Проявленаго на горь законодавцу огнем и купиною,

рожество Приснодьвыя,

в наше вьрных спасьние,

пьсньми немолчными величаем.

Во священство священно, святителие и пастырие, облекшеся,

и то премудрено окормивше Христу, житием украсиша,

учительства слово свыше воистинну приемше,

святии обогатистеся.

Леонтия пою, глубину богословия,

Исаию же воспьваю, пучину учений,

Игнатия же, удобрение,

со Ияковом // и Феодором доблемудрыми.

Со иже словом просиявшими пастыреначалники

и иже крове ради священницы Господни,

яко обоюду приемше вьнца,

в пьснех и пьнии да восхваляются.

Кто деръзновение изречет Филиппово,

Гермогенову же како премудрость изглаголет,

и новгородцких богоносных отец

еже по вьре твердость.

Феогнаст божественый, Спиридон богоносный,

со Иовом патриярхом,

Серапион и Василие священноименный, и Григорие всечестный,

яко Божии свьтилницы да поются.

Преподобнии отцы и святители Господни,

с благовьрными князи // и женами святыми,

именованнии и неименованнии вси,

молите спастися душам нашим.

Слава:

О, Троице Святая, неразделимая существом,

единоцарственая всьми и единоначалная,

Отче и Сыне и Святый Душе,

присно рабы Своя спасай.

И ныне:

Радуйся, полато всьх Царя,

Еяже ради Царство Небесное отверзеся

сущим на земли, Мати Дьво,

и еже со ангелы вселение.

Светилен:

В пьснех восхвалим иже постом просиявшая

преподобныя, и учителя и таиники божественаго слова,

с благовьрными князи и женами святыми,

и Христа прославим, иже сих возвеличившаго

и помощника нам // давша во время пощения.

Слава, и ныне:

Радуйся, Божия полато; радуйся, горо присьненная;

радуйся, неопалимая купино; радуйся, престоле славы;

радуйся, божественая трапезо; радуйся, ручко всезлатая;

радуйся, свьтилниче всесвьтлый;

радуйся, легкий облаче, Дьво Мати Марие¹².

Подготовка текста О. Панченко