Тропарь Божией Матери пред иконой Ее «Одигитрия», глас 4: К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози, на ны милосердовавши,/ потщися, погибаем от множества прегрешений,/ не отврати Твоя рабы тщи, // Тя бо и едину надежду имамы. Кондак Божией Матери пред иконой Ее «Одигитрия», глас 6: Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас, верно зовущих Ти:/ ускори на молитву и потщися на умоление, // предстательствующи присно, Богородице, чтущих Тя. Ин кондак Божией Матери пред иконой Ее «Одигитрия», глас 6: Не имамы иныя помощи,/ не имамы иныя надежды,/ разве Тебе, Владычице,/ Ты нам помози,/ на Тебе надеемся/ и Тобою хвалимся, // Твои бо есмы раби, да не постыдимся. Тропарь апостолов, глас 3: Апостоли святии… (см. приложение 2.6) Кондак апостолов, глас 1: Диакони честнии,/ и самовидцы Слова,/ и сосуди избраннии явистеся веры,/ Никанор, Прохор, Пармен и Тимон, славнии,/ темже днесь священную память вашу празднуем, // в веселии сердца вас ублажающе. Тропарь святителя Питирима Тамбовского, глас 4: Веры и благочестия наставниче,/ Церкве светильниче, монашествующих образе,/ святителю Питириме премудре,/ стадо твое благочестно упасл еси/ и ко Христу привел еси,/ темже в Вышних венцем славы украшен,/ с нами на земли духом пребываеши, сияя чудесы./ Моли Христа Бога // спастися душам нашим. Кондак святителя Питирима Тамбовского, глас 8: Монахов наставника изрядна/ и святителя всем людем милостива,/ чудотворца предивна и молитвенника о нас неусыпна, // сошедшеся, воспоим Питирима, Тамбовския земли похвалу. Праздничный Богородичен (на вечерне и на утрене), глас 4: Не умолчим никогда, Богородице,/ силы Твоя глаголати недостойнии,/ аще бо Ты не бы предстояла молящи,/ кто бы нас избавил от толиких бед?/ Кто же бы сохранил до ныне свободны?/ Не отступим, Владычице, от Тебе, // Твоя бо рабы спасаеши присно от всяких лютых.
Прославляя Царицу Небесную, мы припадаем к Ее образу и молимся об Отечестве нашем, об исторической Руси, о народе нашем, о молодежи нашей, о нашей интеллигенции, которая так часто сбивалась с жизненного пути, заводя за собой в духовное болото весь народ. Мы молимся сегодня с особой силой и за воинство наше, дабы Царица Небесная ограждала землю нашу миром, народ наш покоем; чтобы Она помогала и молодым людям, тем, которых сегодня пытаются оторвать от Бога и от Его благодати, – чтобы и над ними простерла Царица Небесная Свой Покров.
