Тропарь преподобномученика Стефана Нового, глас 4: Постнически предподвизався на горе,/ умная врагов ополчения/ всеоружием Креста погубил еси, всеблаженне,/ паки же ко страдальчеству мужески вооружился еси,/ убив Копронима мечем веры,/ и обоих ради венчался еси от Бога, // преподобномучениче Стефане приснопамятне. Кондак преподобномученика Стефана Нового, глас 3: Из неплодна, преподобне, корене/ возрасте ветвь, первострадальцу тезоимените,/ монахов наставник велик, отче, явился еси/ и, ярости не убоявся царя,/ не хотяща Христов чествовати образ,/ сего ради скончався, // мученический венец приял еси, Стефане. Ин кондак преподобномученика Стефана Нового, глас 8: Троицы рачителя и божественнаго Стефана/ восхвалим верно песньми, празднолюбцы, от сердца,/ яко почествовавша начертание красное Владыки и Матере Его,/ и согласно ныне от любве возопиим ему, радующеся: // радуйся, отче приснославне. Тропарь священномученика Серафима, глас 5: Воинство Царя Небеснаго/ паче земнаго возлюбив,/ служитель пламенный Святыя Троицы явился еси,/ наставления Кронштадтскаго пастыря в сердце своем слагая,/ данная ти от Бога многообразная дарования/ к пользе народа Божия приумножил еси,/ учитель благочестия/ и поборник единства церковнаго быв,/ пострадати даже до крове сподобился еси,/ священномучениче Серафиме,/ моли Христа Бога // спастися душам нашим. Кондак священномученика Серафима, глас 6: Саровскому чудотворцу тезоименит быв,/ теплую любовь к нему имел еси,/ писаньми твоими подвиги и чудеса того миру возвестив,/ верныя к его прославлению подвигл еси/ и благодарственнаго посещения/ самаго преподобнаго сподобился еси./ С нимже ныне, священномучениче Серафиме,/ в Небесных чертозех водворяяся,/ моли Христа Бога // серафимския радости нам причастником быти.
Грех вошел в природу людей через их непослушание Богу, через отказ от Бога, через нарушение Божиего закона, через пренебрежение замыслом Бога о мире и человеке. Значит, исправление греха – это действие, обратное тому, которое повлекло за собой грех. Таким образом, чтобы преодолеть грех, нужно претворять в жизнь волю Божию. Нужно принять замысел Бога о мире и человеке. Нужно научиться слышать голос Божий и исполнять Его веления.
