Бессребреников мчч. Кира и Иоанна и с ними мцц. Афанасии и дщерей ее Феодотии, Феоктисты и Евдоксии (311). Свт. Никиты, затворника Печерского, еп. Новгородского (1108).
Мчч. Викторина, Виктора, Никифора, Клавдия, Диодора, Серапиона и Папия (251). Мц. Трифены Кизической.
Свт.: Евр., 318 зач., VII, 26 – VIII, 2. Ин., 36 зач., X, 9–166. Бессребреников: 1_Кор., 153 зач., XII, 27 – XIII, 8. Мф., 34 зач. (от полу’), X, 1, 5–87. Ряд.: 1_Сол., 273 зач., V, 14–23. Лк., 84 зач., XVII, 3–10.
Тропарь бессребреников мучеников Кира и Иоанна, глас 5:
Чудеса́ святы́х Твои́х му́ченик/ сте́ну необори́му нам дарова́вый, Христе́ Бо́же,/ тех моли́твами сове́ты язы́ков разори́,/ Це́рковь Святу́ю укрепи́,// я́ко еди́н Благ и Человеколю́бец.
Кондак бессребреников мучеников Кира и Иоанна, глас 3:
От Боже́ственныя благода́ти дар чуде́с прие́мше, святи́и,/ чудоде́йствуете непреста́нно,/ вся на́ша стра́сти рукоде́йством секу́ще неви́димым,/ Ки́ре Богому́дре со Иоа́нном сла́вным: // вы бо Боже́ственнии вра́чеве есте́.
Тропарь святителя Никиты Новгородского, глас 4:
Наслади́вся, богому́дре, воздержа́ния/ и жела́ние пло́ти твоея́ обузда́в,/ на престо́ле святи́тельства се́л еси́,/ и я́ко звезда́ многосве́тлая, просвеща́я ве́рных сердца́/ заря́ми чуде́с твои́х, о́тче на́ш, святи́телю Ники́то,/ и ны́не моли́ Христа́ Бо́га,// да спасе́т ду́ши на́ша.
Кондак святителя Никиты Новгородского, глас 6:
Архиере́йства са́ном почти́вся/ и чи́сте Чисте́йшему предстоя́,/ приле́жно моле́ние за лю́ди твоя́ приноси́л еси́,/ я́ко и до́ждь моли́твою све́л еси́,/ овогда́ же и гра́да запале́ния угаси́л еси́./ И ны́не, святи́телю Ники́то,/ моли́ Христа́ Бо́га/ спасти́ лю́ди твоя́ моля́щияся,/ да вси́ вопие́м ти́:// ра́дуйся, святи́телю о́тче преди́вный.
