Свт. Андрея, архиеп. Критского (740). Прп. Марфы, матери Симеона Дивногорца (551). Прп. Андрея Рублева, иконописца (XV). Страстотерпцев царя Николая, царицы Александры, царевича Алексия, великих княжен Ольги, Татианы, Марии, Анастасии и страстотерпца праведного Евгения врача (1918). Блгв. вел. кн. Андрея Боголюбского (1174). Обре́тение мощей прп. Евфимия Суздальского, чудотворца (1507 или 1512). Мчч. Феодота и Феодотии (108). Сщмч. Феодора, еп. Киринейского (310). Сщмч. Саввы, еп. Горнокарлова́цкого (1941) (Серб.). Сщмч. Димитрия Казанского пресвитера (1942). Галатской иконы Божией Матери. Утр. – Страстотерпцев: Мф., 36 зач., X, 16–22*. Лит. – Рим., 105 зач., XI, 2–12. Мф., 42 зач., XI, 20–26. Страстотерпцев: Рим., 99 зач., VIII, 28–39. Ин., 52 зач., XV, 17 – XVI, 2. Свт.: Евр., 318 зач. (от полу́), VIII, 3–6. Мф., 21 зач., VII, 12–21**.
* Чтения страстотерпцев (на утрене и литургии) читаются, если им совершается служба. Если совершается полиелейная служба прп. Андрея Рублева, то на утрене читается Евангелие от Матфея, 43 зач., XI, 27–30 , а на литургии – чтения дня и преподобного: Евр., 334 зач., XIII, 7–16. Лк., 24 зач., VI, 17–23. Если совершается полиелейная служба блгв. вел. кн. Андрея Боголюбского, то на утрене читается Евангелие от Матфея, 36 зач., X, 16–22, а на литургии – чтения дня и благоверного князя: Рим., 99 зач., VIII, 28–39. Ин., 52 зач., XV, 17 – XVI, 2. ** Чтения свт. Андрея Критского читаются, если ему совершается служба.
Тропарь царственных страстотерпцев, глас 4:
Днесь, благове́рнии лю́дие, све́тло почти́м/ седмери́цу честну́ю ца́рственных страстоте́рпец,/ Христо́ву еди́ну дома́шнюю Це́рковь:/ Никола́я и Алекса́ндру,/ Алекси́я, О́льгу, Татиа́ну, Мари́ю и Анастаси́ю./ Ти́и бо, уз и страда́ний многоразли́чных не убоя́вшеся,/ от богобо́рных смерть и поруга́ние теле́с прия́ша/ и дерзнове́ние ко Го́споду в моли́тве улучи́ша./ Сего́ ра́ди к ним с любо́вию возопии́м:/ о святи́и страстоте́рпцы,/ гла́су покая́ния и стена́нию наро́да на́шего вонми́те,/ зе́млю Росси́йскую в любви́ к Правосла́вию утверди́те,/ от междоусо́бныя бра́ни сохрани́те,/ мир ми́рови у Бо́га испроси́те// и душа́м на́шим ве́лию ми́лость.
Кондак царственных страстотерпцев, глас 8:
Избра́ннии Царе́м ца́рствующих и Го́сподем госпо́дствующих от ро́да царе́й Росси́йских,/ благове́рнии му́ченицы,/ му́ки душе́вныя и смерть теле́сную за Христа́ прии́мшии/ и венцы́ Небе́сными увенча́вшиися,/ к вам, я́ко покрови́телем на́шим ми́лостивым,/ с любо́вию благода́рне вопие́м:/ ра́дуйтеся, ца́рственнии страстоте́рпцы,// за Русь Святу́ю пред Бо́гом усе́рднии моли́твенницы.
Величание царственных страстотерпцев:
Велича́ем вас,/ святи́и ца́рственнии страстоте́рпцы,/ и чтим честна́я страда́ния ва́ша,/ я́же за Христа́// претерпе́ли есте́.
Тропарь святителя Андрея, архиепископа Критского, глас 4:
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина,/ сего́ ра́ди стяжа́л еси́ смире́нием высо́кая,/ нището́ю бога́тая,/ о́тче Андре́е,/ моли́ Христа́ Бо́га// спасти́ся душа́м на́шим.
Ин тропарь святителя Андрея, архиепископа Критского, глас 1:
Христо́ву Це́рковь цевни́цею язы́ка твоего́,/ песносло́вя уми́льно, возвесели́л еси,/ богосло́вием же Препе́тыя Тро́ицы/ сла́ву всем сказа́л еси́ я́сно,/ тем тя, я́ко тайноглаго́льника, пое́м,/ Андре́е, па́стырю Кри́тский,/ и велича́ем па́мять твою́,// Христа́ сла́вяще, Ди́внаго во святы́х Свои́х.
Кондак святителя Андрея, архиепископа Критского, глас 2:
Воструби́в я́сно Боже́ственная сладкопе́ния,/ яви́лся еси́ свети́льник ми́ра светле́йший,/ све́том сия́я Тро́ицы, Андре́е преподо́бне./ Те́мже вси вопие́м ти:// не преста́й моля́ся о всех нас.
Тропарь преподобной Марфы, глас 8:
В тебе́, ма́ти, изве́стно спасе́ся е́же по о́бразу:/ прии́мши бо крест, после́довала еси́ Христу́,/ и де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней,// те́мже и со Ангелы сра́дуется, преподо́бная Ма́рфо, дух твой.
Ин тропарь преподобной Марфы, глас 4:
Житие́м чи́стым и любо́вию, я́же ко Пречи́стей Бо́жией Ма́тери,/ стяжа́ла еси́ дар чадоро́дия пресла́вный,/ свети́льника ми́ру, ди́внаго Симео́на,/ те́м тя, Ма́рфо,// я́ко ма́терь, о ча́де веселя́щуюся, пе́сньми ублажа́ем.
Кондак преподобной Марфы, глас 2:
В моли́твах Го́сподеви предстоя́щи,/ Пречи́стей Де́ве Богоро́дице пе́ние и хвалы́ принося́щи,/ Ма́рфо честна́я,/ породила́ еси́ свяще́нное отроча́,/ Симео́на преди́внаго, свети́льника всеми́рнаго,// с ни́мже моли́ при́сно о всех нас.
Тропарь преподобного Андрея Рублева, глас 3:
Боже́ственнаго све́та луча́ми облиста́емый,/ преподо́бне Андре́е,/ Христа́ позна́л еси́, Бо́жию Прему́дрость и Си́лу,/ и ико́ною Святы́я Тро́ицы всему́ ми́ру пропове́дал еси́/ Еди́нство во Святе́й Тро́ице,/ мы же со удивле́нием и ра́достию вопие́м ти:/ име́яй дерзнове́ние ко Пресвяте́й Тро́ице,// моли́ просвети́ти ду́ши на́ша.
Кондак преподобного Андрея Рублева, глас 8:
От ю́ности к Боже́ственней красоте́ устремля́яся,/ чу́дный иконопи́сец в земли́ Росси́йстей был еси́,/ и, богоно́сным твои́м учи́телем поревнова́в,/ сия́нием доброде́телей украси́лся еси́, преподо́бне Андре́е,// те́мже и яви́ся Це́ркве на́шея похвала́ и ра́дование.
Тропарь благоверного князя Андрея Боголюбского, глас 8:
Я́ко благове́рен и пра́веден,/ за любо́вь Христа́ Бо́га от свои́х смерть прия́л еси́,/ кровь свою́ пролия́в,/ я́коже пре́жде сро́дницы твои́ и страстоте́рпцы Бори́с и Глеб,/ и́хже кро́вем совопие́т и твоя́ кровь, свя́те, к Бо́гу,/ я́коже А́веля и Заха́рии пра́ведных,/ благове́рный страстоте́рпче, вели́кий кня́же Андре́е,/ с ни́миже Христа́ Бо́га моли́/ о стране́ на́шей, е́же Богоуго́дней бы́ти// и сыново́м росси́йским спасти́ся.
Кондак благоверного князя Андрея Боголюбского, глас 8:
В ми́ре сем благоче́стно и пра́ведно пожи́в,/ моли́твою, ми́лостынею и благострада́нием Бо́гу угоди́л еси́,/ сего́ ра́ди и Бог по убие́нии твое́м просла́ви тя нетле́нием и чудесы́,/ Его́же, свя́те Андре́е, моли́/ сохрани́ти оте́чество твое́// и всех люде́й, благоче́стно тебе́ почита́ющих.
Под влиянием окружающей среды, под воздействием собственных помыслов, вожделений или некоей жизненной философии каждый из нас допускает ошибки. И если у человека нет возможности скорректировать свою жизненную траекторию, осознать, что он сошел с правильного пути, то ему грозит духовная пропасть, погибель. И если бы мы были предоставлены самим себе, если бы Господь никак не наблюдал за нашей жизнью, если бы Он не подавал нам Свою спасительную руку, то вряд ли существовали бы мир Божий и род человеческий. Но Господь корректирует наш жизненный путь, вразумляя нас, в том числе через страдания и скорби. Нередко люди переносят их с большим трудом, но святые отцы учат нас, что к каждой скорби мы должны относиться с большим вниманием, потому что скорбь обнажает нашу слабость, а человек, почувствовав свою слабость, обращается к Богу. Именно через страдания и скорби люди приходят к Богу.
